Kryeministri Edi Rama ka pretenduar sot se është opozita ajo që nuk pranon dialogun. Përpos kësaj në një dalje para gazetarëve ai përsëriti thirrjen për dialog, duke i kërkuar Lulzim Bashës të caktojë orën dhe vendin, e një dialogu pa kushte.
“Në situatën surreale që ka krijuar PD, duke minuar jetën demokratike, nuk ka ndodhur që qeveria të lutet dhe opozita të refuzojë dialogun.
Personalisht e kam shprehur gatishmërinë për dialog.
Megjithatë jam sot për dialogun dhe nevojën për dialog.
Megjithëse kërkesat e opozitës janë të padëgjuara, kam pranuar gjithsesi të dialogojë për të gjitha çështjet, pa kushte.
Kam mobilizuar zyrën time për të kontaktuar me kryetarin e opozitës, por pa sukses.
Dialogu mbetet domosdoshmëri. Përsëri i bëj thirrje Lulzim Bashës, cakto orën dhe vendin e takimit, mos shiko armiq aty ku s’ka.
Mos na vono. Ju e keni numrin tim të telefonit. Ndaj më njofto një orë e më parë.
Këtë qeveri nuk ke për ta larguar kurrë, vetëm përmes votës së popullit”, u shpreh Rama.
DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
