Në kuadër të misionit të saj për integrimin dhe angazhimin e të rinjve në procesin e vendimmarrjes dhe përgatitjen e tyre për tregun e punës, organizata rinore ”Youth Development Group” organizon për here të parë në vendin tonë Samitin Rinor te NATO-s, një konferencë ndërkombëtare që do të jetë një simulim real i një samiti të Organizatës së Atlantikut të Veriut.
Samiti do të zhvillohet në Tiranë, në datat 7 – 10 maj, data të cilat përkojnë dhe me festimet dhe aktivitetet për ditën e Europës që festohet çdo vit me datë 9 maj. Theksi vendoset te kontributi i vendit tonë në NATO dhe angazhimi për përmirëzimin e procesit të paqes e bashkëpunimit mes shteteve në rajonin e Ballkanit, i cili ka qenë dhe në qendër të disa prej konflikteve më të rënda të dekadave të fundit në Europë, nga ana tjetër synojmë promovimin e përpjekjeve të vazhdueshme të vendit tonë për integrim në Bashkimin Europian, duke konsideruar antarësimin në NATO si suksesin më të madh të 25 viteve të fundit.
Nga një zonë konfliktesh dhe luftërash të përgjakshme, sot shtetet e ballkanit janë partnere të rëndësishme të aleancës dhe Shqipëria, shtet antar me të drejta të barabarta, me një ushtri të modernizuar dhe faktor paqeje e stabiliteti në rajon.
Samiti do të funksionojë si një samit real, ku shtetet anëtare, me delegacionet e tyre përfaqësuese do marin pjesë në konferencën 4 ditore, ku do të diskutohen tema që prekin sigurinë botërore, të ardhmen e organizatës dhe se sa e përgatitur është NATO ndaj rreziqeve aktuale, sic janë radikalizimi, terrorizmi, kriza e refugjatëve dhe lufta kundër ISIS apo konfliktet në Ukrainë dhe Afrikën veriore. Në këtë konferencë të organizuar nga një grup ndërkombëtar vullnetarësh, do të jenë të pranishëm dhe ekspertë të sigurisë, zëra të fuqishëm brenda organizatës me eksperiencë shumëvjecare në vendimmarrje dhe politikëbërjen e shteteve antare.
Youth Development Group fton të gjithë të rinjtë e interesuar, me njohuri të mëparshme apo eksperienca të ngjashme, por dhe ata të cilët duan të mësojnë më shumë për aleancën më të fuqishme ushtarake në historinë moderne, të aplikojnë për tu bërë pjesë e konferencës si delegatë. Kjo eksperiencë do të shërbej dhe si një pikë shkëmbimi kontaktesh, eksperiencash, kulturash dhe mendimesh dhe do të përmirësojë njohuritë tuaja në fushën e politikës, sigurisë dhe mbrojtes.
Informacionin e plotë mund ta gjeni në faqen zyrtare të Samitit: http://bit.ly/2lZyT87
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
