Lulzim Basha ka nisur një tur takimesh në të gjithë Shqipërinë për të ftuar qytetarët që të dalin në protestë në 18 Shkurt.
Sot Basha ka takuar të rinjtë e njësisë 7 e ka bërë thirrje që të dalin në protesta. Kreu i PD-së, u shpreh se do të shkojë derë më derë që të takojë qytetarët.
Deklarata e Lulzim Bashës:
Rinia po bashkohet, qytetarët po bashkohen. 18 shkurti do të jetë nisja e lëvizjes që do të përfundojë me fitoren e shqiptarëve.
Kjo do të jetë një lëvizje popullore, paqësore, deri sa të arrijmë tek zgjidhjet e lira dhe të ndershme. PD do shkojë e sigurtë drejt fitores dhe ndryshimit, se si bëhet politikë në këtë vend.
Tani bashkë me të rinjtë e njësisë 7 do të shkojmë derë më derë në çdo shtëpi, për të takuar qytetarët, sepse njerëz pa halle nuk ka.
Nuk kam shkop magjik unë; nuk kam zgjidhje magjike. Nuk ka premtime false dhe gënjeshtra nga Lul Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
