Një fotograf i agjencisë së njohur amerikane Associated Press, ka treguar për vrasjen e djeshme detaje të habitshme, ndërsa vetë ka qenë nën tytën e pistoletës së atentatorit.
Në këtë konferencë Burhan Ozbilici shkoi për të bërë një punë rutinë të tij, por ngjarja e zakonshme u kthye në tmerr në momentin kur u vra ambasadori rus.
“Ishte një vrasje e llogaritur me gjakftohtësi. Të gjithëve ne në sallë na tmerroi, ndërsa ai ishte i qetë. Unë u mbështeta pas një muri dhe nga atje kam bërë të gjithë punën time.”
Kjo është historia se si u vra Karlov në sytë e këtij fotografi.
“Shkova në këtë konferencë sepse e kisha rrugës për shtëpi dhe në momentin që filloi të fliste ambasadori rus fillova ta fotografoja vetëm për ta pasur si një dokument, teksa shpjegohet historia e marrëdhënies mes Rusisë dhe Turqisë”.
“Ai po fliste me zë të ulët dhe shprehte dashuri për vendin e tij. Pastaj erdhën të shtënat, në audiencë u përhap panik, ndërsa trupi i ambasadorit më qëndronte vetëm pak metra larg.”
“Nuk pashë asnjë pikë gjak, ambasadori mund të jetë qëlluar në shpinë. Mu desh disa sekonda të përqendrohesha e të kuptoja çfarë ka ndodhur. Një burrë qëndronte i vdekur nën këmbët e mia. “
“Njerëzit qanin, ai thërriste “Allahu Ekber”. Të gjithë ishin të tronditur.”
“Ai rrotullohej rreth trupit të ambasadorit dhe thyente pikturat në mur. Kisha frikë se më qëllonte, por pastaj mendova, le të më qëllojë, le të më vrasë, unë jam gazetar dhe duhet të bëj punën time”.
Përshtatur nga joq sipas botimit në AP
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
