Rama kënaq të gjithë por jo Ben Blushin: Do një karrige deputeti

Lajmi i mirë për borxhlinjtë e OSSHE nuk e ka ndaluar Kryeministrin Edi Rama të shajë e akuzojë Ben Blushin. Edhe pse nuk i ka përmend emrin ai thotë se të gjitha akuzat e tij bëhen për shkak se dëshiron të kapë një vend deputeti në Parlament. Në videon e publikuar në Facebook ai i ka lënë një hapsirë edhe ish-socialistit Blushi duke i kujtuar se ëhstë kapur për një fije bari.

“Të mos e harrojmë sidoqoftë që ky ishte viti i heqjes përfundimtare të amorfeve. Sot, askush nuk paguan çfarë i do qejfi kompanisë por secili i përgjigjet kompanisë vetëm për faturën që tregon sahati. E vetmja gjë që fatkeqësisht vazhdon njësoj si ditën e parë a thua se asgjë s’ka ndodhur është avazi i sulmeve aforfe të kundërshtarëve politikë të qeverisë ndaj OSHEE-së. Sulme të ulëta, shpifje që nuk pushojnë, akuza që përsëriten pafund në orvatjen e dëshpëruar të atyre që e zhytën sektorin e energjisë në gropën e thellë të një rrënimi të vazhdueshëm apo disave që duan të kapin një karrige deputeti duke u bërë pjesë e politikës së baltës dhe duke u kapur pas baltës si i mbyturi pas fijes së barit”, tha Rama.

“Për këtë soj politikanësh OSHEE-ja është një bandë që drejtohet nga krimi dhe që i shërben krimit. Epo mirë, në vend që të merremi me ta sot le të qeshim pak me gjuhën e tyre të përdalë prej mllefit e dëshpërimit sepse sot banda e OSHEE-së është gati t’u zerojë kamatëvonesat përkundër një pagese simbolike vetëm 20 lekë 66539 kriminelëve, pensionistë që trafikojnë drogë, familjarë në ndihmë ekonomike që jetojnë me trafik armësh, invalidë që ushqehen me vrasje me pagesë, persona me aftësi të kufizuara me rekorde kriminale. Madje banda e OSHEE-së do t’u bëjë 80% të kamatëvonesave dhe 59461 konsumatorëve të botës sonë shqiptare të krimit. Dhe pastaj mërziten kur themi qentë le të lehin karvani do të vazhdojë të ecë përpara”, deklaroi Rama.

/DRONI.al/