Sikurse kishin paralajmëruar, gjyqtarët kanë ankimuar sot në Gjykatën Kushtetuese, një tjetër ligj të paketës së reformës në drejtësi.
Kanë qenë dy kryetarët e dy shoqatave të gjyqtarëve, respektivisht Erjon Bani, kryetari i Shoqatës Kombëtare e Gjyqtarëve të Republikës së Shqipërisë (SH. K. GJ. R. SH.) DHE Gerd Hoxha, kryetari i Unionit të Gjyqtarëve të Shqipërisë (U. GJ. SH), të cilët kanë depozituar sot
kërkesën e tyre prej 58 faqesh, me 53 vërejtjet e tyre të argumentuar ndaj Ligjit “Për statusin e gjyqtarëve dhe prokurorëve në Republikën e Shqipërisë”. Ata kërkojnë gjithashtu, që deri në fazën e përfundimit të shqyrtimit të këtij ligji, kjo gjykatë të pezullojë efektet e tij.
Ankesa e gjyqtarëve është e dyta, ndaj paketës së ligjeve të reformës në drejtësi, pas asaj të ligjit për Vettingun, e cila, pas vendimit për pezullimin e efekteve të tij, është në fazën e shqyrtimit nga Gjykata Kushtetuese.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
