Një operacioni i Policisë, i koduar “Guida”, përfundoi me arrestimin e dy personave të cilët shpërndanin lëndë narkotike në Kamëz
Sipas burimeve zyrtare të Policisë vendore, mësohet se, dje, u arrestuan Fatjon Koxha, 22 vjeç, banues në Zall të Fushë Krujës dhe Jetmir Hida, 22 vjeç, banues në Zall të Fushë Krujës si dhe u arrestuan rreth 55 kg lëndë e dyshuar narkotike e llojit Cannabis Sattiva.
Ata ndodheshin pranë mbikalimit të Kamzës, në sheshin ku autoshkollat praktikojnë parkimin.
Ishte mjeti “Mercedes Benz”, me targë AA 488 KB, me drejtues shtetasin Jetmir Hida dhe pas tij ndodhej automjeti “Mercedes Benz”, me targë AA 488 LT, me drejtues shtetasin Fatjon Koxha.
“Gjatë kontrollit të ushtruar në mjetin e Fatjon Koxha, në bagazh, janë konstatuar 4 thasë të zinj, me peshë rreth 30 kg me lëndë të dyshuar narkotike të llojit Cannabis Sattiva, ndërsa në mjetin e shtetasit Jetmir Hida, nuk janë konstatuar sende të kundraligjshme”
Në kontrollin e ushtruar në banesën e shtetasit Fatjon Koxha, në vende të ndryshme janë gjetur rreth 23 kg, lëndë e dyshuar narkotike e llojt Cannabis Sattiva, si dhe një armë zjarri automatike, model 56.
Në banesën e shtetasit Jetmir Hida, në njërën prej dhomave, janë gjetur rreth 2 kg, lëndë e dyshuar narkotike e llojt Cannabis Sattiva.
Materialet procedurale i’u kaluan Prokurorisë pranë Gjykatës së Shkallës parë Tiranë, për veprat penale “Prodhim dhe shitje të lëndëve narkotike në bashkëpunim” dhe “Prodhim dhe mbajte pa leje e armëve luftarake dhe municioneve”, parashikuar nga Neni 283-25 dhe 278 i Kodit Penal.
Sekuestrohen
– Rreth 55 kg lëndë e dyshuar narkotike e llojt Cannabis Sattiva.
– Një armë zjarri, automatike model 56, me një krehër dhe 28 fishekë.
– Pesë aparate celularë të markave të ndryshme.
– Dy automjete të markës “Mercedes Benz”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
