Kryeministri Edi Rama, në pamundësi për të lëshuar ndonjë “qyfyre” përpara banorëve të Kolonjës, në mitingun përmbyllës, për zgjedhjet e parakohshme për kreun e bashkisë, sërish nuk ka “rezistuar” pa i çuditur ata.
Çudia lidhej me refuzimin që ai u kishte bërë mësuesve të shumtë të Kolonjës, që “ishin lutur” për të marrë pjesë në këtë miting, por që ai nuk i ka pranuar…
“Para se të fillonim mitingun, Arta Dade më tha se shumë mësues kanë dashur të merrnin pjesë në këtë miting. Por ata nuk u lejuan. Ka kaluar ajo kohë kur duan të marrin pjesë në miting mësuesit, por ne u themi jo…”, artikuloi Edi Rama çudinë e tij, që nuk u përcoll me ndonjë entuziazëm nga të pranishmit.
Në fakt, mësuesit e shumtë të Kolonjës, nuk humbën ndonjë gjë të madhe, pse nuk morën pjesë në këtë miting.
Sepse Edi Rama, vetëm sulmoi kandidatin rival, apo krerët e PD-së, ndërsa etiketoi “armiq” ata që nuk do të marrin pjesë në zgjedhjet e të dielës.
Për sa i përket Kolonjës, apo edhe mësuesve të Kolonjës, ai nuk premtoi asgjë… DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
