Një tjetër shtetas shqiptar është dëbuar nga Italia si masë kundër rrezikut terrorist në vend.
Ky lajm është bërë publik nga vetë ministri i Brendshëm italian Angelino Alfano i cili ka deklaruar se ka nënshkruar urdhrin e dëbimit për Sajmir Hidrin me origjinë shqiptare e rezident më provincën e Ferrarës për shkak të aktivitetit të tij pro propagandës së shtetit islamik.
Shqiptari Sajmir Hidri 34 vjec ishte rezident prej shumë vitesh në provincën e Ferrarës kur kishte mbërritur në moshë minorene.
Jetonte në komunën e Vigarano Mainarda prej 14 vitesh e prej vitit 2004, vetëm 23 vjeç, ishte sipërmarrës i shoqërisë së tij të ndërtimit “Alba Costruzioni” e njohur në këtë provincë sidomos për ndërtimin e vilave me dekore fasade prej guri.
Sipas rrëfimeve të banorëve të zonës e të miqve të tij Sajmir Hidri vetëm prej pak muajsh kishte ndryshuar sjelle, duke rritur mjekrën e duke u izoluar gjithmonë e më shumë.
Sajmir Hidri frekuentonte komunitetin mysliman në provincën e Ferrarës e sipas dëshmive kishte marrë pjesë dhe në iniciativën e fundit të pak javëve më parë , të ndërmarrë nga komuniteti mysliman me një lutje të përbashkët në kishë në shenjë mesazhi paqe e tolerance mes feve.
Sipas Ministrit të Brendshëm italian ka shkuar në 108 numri i shtetasve me origjinë të huaj e rezident në territorin italian të dëbuar nga Italia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
