Një punonjëse policie ka denoncuar drejtorin e Burgut 313 dhe njëkohësisht edhe shefin e policisë për korrupsion. Sipas “Jeta Osh Qef”, punonjësja denoncon faktin që njerëzit për të parë të paraburgosurit duhet të paguajnë shuma që shkojnë deri në 30.000 lekë (të reja). Gjithashtu ajo shton se shefi i policisë z. Ferit Mici, u shkarkua nga detyra me akuzën për shpërdorim detyre, nga torturat që u bënte të paraburgosurve, por prapë është në punë.
Denoncimi i plotë i punonjëses
“Përshëndetje Jeta Osh Qef jam një punonjëse pranë Burgut 313 dua të bëj një denoncim që te burgu 313 po bëhet korrupsion i paparë nga Drejtor Qazim Hoxha dhe shefi i policisë Ferit Mici një takim shtesë për të takuar një të paraburgosur është 10 000 mijë lekë të reja dhe një takim dhome 30000 mijë lekë të reja dhe doja tu thosha që shefi i policisë Ferit Mici u shkarku nga Ministri Ylli Manjani për torturat që i bënte të paraburgosurit por prapë është në punë”.
E pyetur më tej nga stafi i “Jeta Osh Qef” nëse kishte fakte për akuzat e saj, ajo është përgjigjur:
“Po para dy muajsh e kanë nxjerrë dhe te ‘Fiks Fare’ për tortura Ferit Micin dhe bën shkarkimin e tij por ai vazhdoj aktualisht në punë.
Edhe e kanë bërë burgun si pronë të vetë.
Po është provë që mund ta verifikoni”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
