Dje, seksioni për Narkotikët në Drejtorinë Vendore të Policisë Berat, filloi procedimin penal dhe shpalli në kërkim policor A. Gj., 19 vjeç, banues në Lushnje. Shpallja në kërkim ndaj këtij personi u bë pasi dyshohet të jetë autori i kultivimit të 994 bimë narkotike Canabis Sativa, të cilat janë gjetur dhe asgjësuar nga forcat e policisë në pyllin e fshatit Osmënzezë, Berat.
Gjithashtu gjatë kontrollit të ushtruar në një çadër të iprovizuar me plasmas, u gjetën 95 kg lëndë narkotike marijuanë dhe një armë trofe (Belçik), të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Berat, për veprat penale “Prodhimi dhe shitja e lëndëve narkotike”, “Mbajtje pa leje e armëve luftarake dhe municionit” dhe “Kultivimi i bimëve narkotike”, parashikuar nga nenet 283/1, 278 dhe 284 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
