Partia Demokratike do të japë përgjigjen e saj të hënën lidhur me draftin e reformës që ka të bëjë me ndërtimin e institucioneve të drejtësisë ndërkohë që ka dhënë konsensusin në parim për pjesën e parë të saj që lidhet me luftën antikorrupsion.
“U bë paraqitja e drafti nga ana e dy ekspertëve. Draft i cili synon të hedh në letër draftin përfundimtar të ndryshimeve kushtetuese për diskutimet që janë bërë në këtë kohë. Dua të them në emër të opozitës se lidhur me komponentin e luftës kundër korrupsionit që ka të bëjë me ngritjen e Byrosë Kombëtare të hetimit, opozitës ka dhënë dakordësinë e saj në parim, pasi drafti i fundit ndryshon nga drafti i shtatorit.
Lidhur me ngritjen e institucioneve të reja për mënyrën e funksionimit dhe luftën ndaj korporatizmit, në draftin e shtatorit dhe të janarit mungon. Ne sot morën draftin dhe deri ditën e hënë do shqyrtojmë nëse drafti final i paraqitur sot respekton Venecian. Jemi gati ta votojmë që javën tjetër, sëbashku me Ligjin për Byronë Kombëtare të Hetimit dhe ligjin e hetimit të gjyqtarëve”, tha Eduard Halimi.
Nderkaq zyrtare te mazhorances vijuan presionin mbi opoziten lidhur me kohen qe ka kerkuar per te analizuar draftin e paraqitur nga ekspertet i cili pritet te jete ndryshe nga ai i janarit qe u kritikua dhe edhe nga komisioni i Venecias.
Kreu i Komisionit të Reformës në Drejtësi, Fatmir Xhafaj tha se sot kemi një projekt kushtetues që nuk mban thjesht vulën e ekspertëve shqiptarë dhe komisionit të Venecias, por edhe mbështetjen e Amerikës dhe Europës si dhe Euralius e Opdate. Xhafaj tha se maxhoranca ka kërkuar që projekti të miratohej që sot por opozita ka kërkuar kohë. Për këtë arsye ai tha se të hënën komisioni do të mblidhet sërish për ta votuar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
