Në seancën e mbajtur me dyer të mbyllura, e cila nisi rreth orës 08:30, trupi gjykues shqyrtoi kërkesën e akuzës dhe vendosi ta lërë të akuzuarin në burg, ndërkohë që vijojnë hetimet.
Po sot, pritet të njihen me masën e sigurisë edhe Gilmando Dani dhe Blerim Shullazi, të arrestuar e njohur si bashkëpunëtorë të Emiljano Shullazit.
Gjykata vendosi për këtë amsë sigrie, pas kërkesës së prokurorëve Gerta Ymeri dhe Eneid Nakuci.
Sipas Prokurorisë, mësohet se masa e sigurisë është kërkuar për veprën penale të “shkatërrimit të pronës me eksploziv”, ndaj shtetasit Jani Zaka (Arjan Zika), me qëllim kanosjen e tij për fitimin e pasurisë në mënyrë të padrejtë.
Në kërkesën e Prokurorisë mësohet se janë renditur katër çështje në hetim.
Sipas Prokurorisë, akuzat ndaj Emiljano Shullazit, Gilmando Danit dhe Blerim Shullazit, janë: “shtrëngimi me anë të kanosjes ose dhunës për dhënien e pasurisë”, “shkatërrim i pronës me eksploziv”, “prodhimi dhe mbajtja pa leje e armëve luftarake dhe e municionit” dhe “grup i strukturuar kriminal”. Nga ana tjetër, avokati i Shullazit e ka cilësuar arrestimin e paligjshëm.
Alban Qafa, avokat i Shullazit, ka kërkuar pavlefshmërinë e arrestimit të Shullazit dhe lrimin e tij, pasi ndaj tij nuk ka kallëzim, por janë përdorur informacione të marra në rrugë operative.
Në përfundim të ballafaqimit të palëve, ku vetë Emiljao Shullazi nuk ka folur, veçse në pjesën e pyetjeve për gjeneralitetet, gjyqtari Idriz Mulkurti, ka vendosur masën e sigurisë “arrest në burg” për Emiljano Shullazin.
Për më shumë mund të lexoni edhe ….
VIDEO/ Emiljano Shullazi në Gjykatën e Krimeve të Rënda, fillon seanca për masën e sigurisë
/web/VIDEO_Emiljano_Shullazi_ne_Gjykaten_e_Krimeve_te_Renda_fillon_seanca_per_masen_e_sigurise_17557_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
