Ka përfunduar ceremonia e 88 e ndarjes së çmimeve kinematografike Oscar në Los Angeles. Leonardo Di Caprio ka fituar çmimin Oscar si aktori më i mirë në filmin ‘The Revenant’, ndërsa regjisori më i mirë u shpall Alejandro G. Inarritu për realizmin e këtij filmi. Filmi më i mirë për skenarin u shpall “Spotlight”.
Filmi shqiptar ‘Shok’ nuk ka arriti të fitojë. Në kategorinë e “Filmit më të mirë të Shkurtër”, ku ishte i nominuar filmi “Shok”, ka fituar filmi “Stutterer”.
Kjo është hera e parë në histori që Kosova hyn në “Academy of Motion Pictures Arts and Science”.
Ky projekt filmik me skenar dhe regji nga Jamie Donoughue është bashkëprodhim mes Kosovës dhe Anglisë ndërsa xhirimet janë realizuar në muajin nëntor të vitit 2014 në Shalë të Bajgorës.
Filmi është i vendosur gjatë periudhës së luftës në Kosovë, kur vendi ishte nën okupimin e Serbisë. Këtu sprovohen kufijtë e miqësisë mes dy fëmijëve të cilët luftojnë për të mbijetuar gjatë luftës në Kosovë.
Filmi është i mbështetur nga Qendra Kinematografike e Kosovës dhe është prodhim i shtëpisë filmike Eagle Eye Films Kosova me producent Eshref Durmishi dhe Eagle Eye Media Ltd me producent Harvey Ascott.
Asistente e regjisë është regjisorja kosovare Blerta Basholli ndërsa drejtor i fotografisë është skocezi Philip Robertson.
Në këtë film luajnë: Lum Veseli, Andi Bajgora, Melihate Qena, Aurita Agushi, Eni Cani, Armond Morina, Eshref Durmishi, Sunaj Raca, Luan Kryeziu, Astrit Kabashi, Xhevdet Jashari, Kushtrim Sheremeti, Fisnik Ademi, Besnik Krapi etj.
Fituesit e çmimeve OSCAR
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
