Sot Komisioni për Veprimtaritë Prodhuese, Tregtinë dhe Mjedisin diskutoi me dhomat vendase dhe të huaja të tregtisë në Shqipëri, projektligjin “Për dhomat e Tregtisë dhe Industrisë”.
Kjo seancë dëgjimore ishte një mundësi për dhomat e biznesit për të shpjeguar drejtpërdrejtë strukturimin dhe funksionimin e tyre dhe të argumentonin me shembuj konkretë që prej 25 vitesh këto dhoma kanë shërbyer si ambasadorë të biznesit brenda dhe jashtë Shqipërisë.
Deputetët e Komisionit të Veprimtarisë Prodhuese pasi dëgjuan argumentet e përfaqësueseve të Dhomave të Tregtisë vendase dhe të huaja, u shprehen se ky projekt ligj ka nevojë për përmirësim të kuadrit ligjor dhe konceptual si dhe një diskutim shume më të gjerë me grupet e interesit pasi efektet e këtij projekt ligji mund të favorizojnë ndër të tjera konkurrencën e padrejtë dhe rrjedhimisht kërkon me shume kohë.
Ky sukses u arrit falë mbështetjes dhe koherencës së gjithë përfaqësuesve te biznesit te cilët u mblodhën dy ditë më parë në datën 16. 02. 2016 në një tryezë konsultimi mbi projekt ligjin, organizuar nga Dhoma Britanike e Tregtisë, duke shprehur shqetësimet e tyre mbi efektet e projektligjit .
Sensibilizimi vazhdon deri në miratimin e një drafti gjithëpërfshirës i cili mbështet zhvillimin e biznesit dhe ekonomisë në vend dhe siguron moscenimin e performancës së Shqipërisë si destinacion për investimet e huaja.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
