Zyrtarisht Kryeministria ka konfirmuar ndryshimet në Qeveri.
Sipas një njoftimi zyrtar, mësohet se të gjitha palët kanë qenë të kënaqura me njëra-tjetrën dhe nuk ia kanë kursyer elozhet dhe falënderimet reciproke.
I kënaqur ka qenë Edi Rama, por nuk ia ka ndjerë dhe e shkarkoi Shkëlqim Canin. I lumtur ka qenë edhe Shkëlqim Cani me shkarkimin por megjithatë i ka premtuar besnikëri e përkushtim Edi Ramës.
Njoftimi i plotë i Kryeministrisë
KRYEMINISTRI EDI RAMA I SHPREHU SOT MINISTRIT TË FINANCAVE SHKËLQIM CANI, FALËNDERIMET E TIJ PËR ANGAZHIMIN, PROFESIONALIZMIN DHE INTEGRITETIN E PLOTË NË KRYERJEN E NJËRËS PREJ DETYRAVE MË TË VËSHTIRA QEVERISËSE TË KËTIJ MANDATI.
KRYEMINISTRI E INFORMOI MINISTRIN CANI PËR VENDIMIN E ZËVENDËSIMIT TË TIJ ME NJË KOLEG TJETËR DHE I KËRKOI VAZHDIMIN E ANGAZHIMIT TË TIJ, ME TË NJËJTIN PROFESIONALIZËM E PËRKUSHTIM, SI DEPUTET I KUVENDIT TË SHQIPËRISË DHE ANËTAR I KOMISIONIT TË EKONOMISË E FINANCAVE.
MINISTRI CANI E FALËNDEROI NGA ANA E TIJ KRYEMINISTRIN PËR BESIMIN DHE BASHKËPUNIMIN E NGUSHTË NË KAPËRCIMIN ME SUKSES TË SITUATËS SË RËNDË FINANCIARE TË TRASHËGUAR DY VJET E GJYSËM MË PARË, SI EDHE E SIGUROI PËR VAZHDIMIN ME PËRKUSHTIM TË PLOTË TË ANGAZHIMIT TË TIJ POLITIK E PROFESIONAL SI DEPUTET I KUVENDIT TË SHQIPËRISË.
DETYRËN E MINISTRIT TË FINANCAVE, KRYEMINISTRI DO T’IA BESOJË Z. ARBEN AHMETAJ, NDËRSA DETYRËN E MINISTRIT TË EKONOMISË, TURIZMIT, TREGTISË DHE SIPËRMARRJES DO T’IA BESOJË ZNJ. MILVA EKONOMI.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
