Pas një ekspertize të gjatë dhe disaorëshe, policia arriti të identifikonte kufomën e gjetur në Malin e Dajtit. Burime zyrtare nga Policia e Shtetit bëjnë me dije se viktima dyshohet të jetë 36-vjeçari Vasil Biba.
një banor i Tiranës.
Personi rezultonte i zhdukur dy muaj më parë pasi kishte mashtruar shumë persona. Emri i tij figuronte në kërkim për akuzën e mashtrimit financiar.
Në hetime rezultonte se i ekzekutuari pak muaj më parë i kishte shitur të njëjtët apartamente më shumë se një personi. Kjo do ta vështirësojë ndjeshëm hetimin policor për gjetjen e vrasësve.
Kjo jo vetëm për provat e pakta të gjetura në vendin e ngjarjes, por edhe për numrin e lartë të denoncimeve ndaj këtij personi, për shitje të pak apartamenteve tek shumë persona.
Për identifikimin e kufomës, që rezulton se ishte qëlluar me dy plumba pistolete 9 milimetër, në kokë dhe në zemër, janë kryer disa ekzaminime.
Burime nga policia bëjnë me dije se gjurmët e gishtave të kufomës janë të padëmtuara dhe në krahasimin e tyre me kartelat daktiloskopike ka patur rezultate pozitive.
Këto të dhëna kanë të bëjnë me faktin se viktima dyshohet të jetë një person me precedent penalë, i dënuar dy herë nga Gjykata gjatë vitit 2015, për fshehje të të ardhurave si administrator i një kompanie private dhe për drejtim të mjetit pa patentë. Për të dy veprat ai ishte dënuar me dy vjet burg, por për shkak të gjykimit në gjendje të lirë ishte fshehur dhe rezultonte i shpallur në kërkim.
Ai po hetohej edhe për disa kontrata fiktive në shitjen e disa apartamenteve në Tiranë.
Vasil Biba me origjine nga Pogradeci rezulton i humbur në muajin dhjetor, pas një denoncimi te bere nga bashkëshortja në policinë e Tiranës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
