Seksioni për Korrupsionin në bashkëpunim me Prokurorine e Task Forcës, së Prokurorisë së Rrethit Gjyqësor Tiranë, ka finalizuar operacionin “S M I L E”, ku është bërë e mundur ndalimi i shtetasve:
1. Skënder Biba, 34 vjec lindur në Tropojë dhe banues në Tiranë.
Me detyrën e shefit të seksionit të Urbanistikës dhe Legalizimeve, drejtoria nr. 5 Tiranë.
2. Vasil Mitre, 56 vjeç, me arsim të Lartë, lindur në Korçë dhe banues në Tiranë,
Me detyrën e shefit të hartografisë në drejtorin rajonale të ALUIZNi nr.5, Tiranë.
3. Fatjon Guzi,30 vjeç, lindur në Shkodër dhe banues në Tiranë,
Me detyrën e specialistit të Hartografisë drejtoria ALUIZNI nr.5, Tiranë.
4. Astrit Joca, 43 vjeç, banues fshati Kërrabë, Tirane
Me detyrën e përgjegjësit të sektorit të rregjistrimit fillestar në zonën nr.5 pranë ALUIZN-it, Drejtoria Tatimore Tiranë.
5. Ardjana Gjini ,24 vjeç, lindur në Vau i Dejës dhe banues në Tiranë,
Me detyrën e specialistit jurist në zonën nr.5 pranë ALUIZN-it Tiranë.
Gjithashtu janë shpallur në kërkim pronarët e dy firmave të ndërtimit të cilat kanë përfituar në mënyrë të kundraligjshme të cilët janë shtetasit:
6. J. M. (gjeneralitet e të cilit nuk mund të ditur për shkak të hetimit).
7. J. Ç. (gjeneralitet e të cilit nuk mund të ditur për shkak të hetimit).
Arrestimet e mësipërme janë bërë pasi kanë kallëzuar shtetasit e mëposhtëshënuar se janë përjashtuar nga e drejta e pronës për të përfituar në katet shtesë për pjesën takuese sipas kontratave me investitorët përkatës, gjithashtu janë përdoruar dokumenta të falcifikuar për legalizimin e këtyre objekteve.
Kallëzuesit janë;
1. R. Xh ,54 vjeç, lindur dhe banues në Tiranë,
2. F. C 58 vjeç, lindur dhe banues në Tirane
Nga hetimet e kryera ka rezultuar se këta nënpunës të ALUIZN-it, me veprimet e tyre në bashkëpunim me njëri tjetrin dyshohen se kanë bërë legalizimet për dy objekte në zonën Komuna Kashar dhe konkretisht në objektin “Molla L, SHPK” me leje legalizimi të dt,03.07.2015 me sipërfaqe shtesë rreth 1.000 m2 dhe për objektin dhe “EVISA CONSTRUKSION”, leje legalizimi nr.888661 dt.12.09.2014 me sipërfaqe 310 m2.
Legalizime këto që janë kryer duke u përdorur dokumenta të falcifikuar në dëm të pronarëvë të tokës përsa i përket pjesës takuese për përfitimin dhe përpjestimin e pasurisë së tyre, referuar kontratave me firmat ndërtuese etje…
Nga kryerja e veprimeve paraprake hetimore ka rrezultuar se veprimet sa më sipër bien në kundërshtim me ligjin për legalizimet.
Materialet proçeduriale iu kaluan Prokurorisë së Rrethit Gjyqësor Tiranë, për veprën penale të “Shpërdorim detyre i personave që ushtrojnë funksione publike e kryer në bashkëpunim, mashtrim në dëm të disa personave dhe falsifikim i dokumentave”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
