Një automjet Volkswagen, tip “Golf 4” është qëlluar me armë zjarri gjatë natës në superstradën Lezhë-Milot. Automjeti me targa të huaja BG 925 CC, u qëllua me armë në afërsi të kryqëzimit të Shën Kollit, aty ku edhe është gjetur në orët e para të mëngjesit të sotëm. Nuk është ende e qartë nëse ne momentin kur ajo është qëlluar kishte apo jo njerëz brenda saj, por ajo është gjetur bosh.
Grupi hetimor, i cili po punon për zbardhjen e ngjarjes, mësohet se nuk ka gjetur shenja gjaku në brendësi te automjetit. Këto elementë e bëjnë mjaft të paqartë si dinamiken ashtu dhe rrethanat e ngjarjes.
Ndërkohe, policia ka ngritur disa postblloqe dhe po ushtron kontrolle të shumta të automjeteve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
