Policia ka vënë në pranga sot një person pasi tentoi të korruptojë policin rrugor për t’i shpëtuar heqjes së patentës.
Kristjan Sulo, 34 vjeç, lindur dhe banues në Lushnjës u arrestua pasi sot në orët e para të mëngjesit, ora 05.10 tek rreth rrotullimin Sauk i Vjetër dhe pranë Arena Club është konstatuar nga punonjësit policisë të Komisariatit Rajonal të Policisë Rrugore në Tiranë duke drejtuar mjetin me targë AA 597 KG i tipit Ëolksvagen Golf 5 në gjëndje të dehur.
Pas matjes së bërë me aparatin tip DRAGER ai rezultoi se kishte konsumuar alkol në masën 0.44 mg për litër e cila sipas Kodit Rrugor ka si masë ndëshkuese administrative gjobë dhe tërheqjen e lejes së drejtimit të automjetit për në Organin Administrativ Shtetëror.
Gjatë komunikimit që ky shtetas ka bërë me punonjësin e policisë të Komisariatit Rajonal të Policisë Rrugore në Tiranë i ka dhënë një kartmonedhe 2000 (dymije) lekëshe në këmbim të mos bllokimit nga ana e tij e lejes së drejtimit të automjetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
