Gjykata e Apelit Korçë ka lënë në fuqi vendimin e shkallës së parë për dy vëllezër, të akuzuar për një vrasje në shtetin grek.
Ngjarja ka ndodhur më 15 maj 2010, ku shtetasit Teo dhe Aurel Ramo (vëllezër) në bashkëpunim me njëri-tjetrin kanë qëlluar për vdekje me thikë shtetasin E. M., pas një konflikti për motive të dobëta.
Teo Ramo aktualisht po vuan dënimin në burgun e sigurisë së lartë në Drenovë për një tjetër vepër penale. Bëhet fjalë për një vjedhje të ndodhur në gusht të 2014.
Lajmi mbi vendimin e Apelit për dënimin me 18 vjet burg për vrasjen në shtetin helen, 27 vjeçarit i është komunikuar nga efektivë të policisë gjyqësore.
Ndërkohë i vëllai i tij, Aurel Ramo, është kapur më datë 22.12.2015, pasi ndaj tij është lënë në fuqi vendimi i Gjykatës së Rrethit Gjyqësor Korçë me Nr. 369, të datës 12.06.2015, e cila e ka dënuar këtë shtetas, me 15 vite burg, për të njëjtën vepër penale, “Vrasja me dashje” e kryer në bashkëpunim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
