BE financon 10 milionë euro kundër korrupsionit politik në Shqipëri

Bashkimi Europian ka vendosur ta ndihmojë Shqipërinë me 10 milionë euro që të zbatojë planin e veprimit anti-korrupsion për të ndryshuar gjendjen mbytëse në administratën dhe shoqërinë shqiptare.

Përfaqësuesja e Bashkimit Europian, ambasadorja Romana Vllahutin, bëri sot të ditur në Tiranë se këto financime do të shkojnë në ndriçimin e financimeve të partive politike, në ndriçimin e mos-ndëshkimit të zyrtarëve të lartë, për të shmangur ndikimin e bizneseve private mbi vendimet politike, dhe kundër shkeljeve të gjyqësori joefikas.

Ambasadorja Vlahutin tha në një takim me studentët e Universitetit Europian të Tiranës se qytetarët paguajnë taksa për të marrë shërbime dhe nuk ka arsye pse të paguajnë dyfish.

Shoqëria shqiptare – tha ajo – duhet të debatojë gjerësisht për këto dukuri. Jo të gjithë profesionistët janë të korruptuar, sepse janë një pjesë njerëzish me ndërgjegje që kanë nevoë për mbështetjen tonë, por të korrupstuarit duhet të përballen me drejtësin.

Ambasadorja Vlahutin tha se Bashkimi Europian do të rritë mbështetjen për qytetarët dhe shoqërinë civile, në mënyrë që të rritet intoleranca e publikut ndaj korrupsionit.

Korrupsioni është një krim i thjeshtë nga forma, i cili nuk ka nevojë për njerëz me mencuri të vecanta, por mjafton të jetë një person i paturpshëm me pushtet nga sistemi administrativ.

Ajo tha se korruspioni është shkelja e lirisë dhe demokracicë dhe ai u merr qytetarëve liritë dhe të drejtat themelore.

Ambasadorja e BE Vlahutin dhe ai i OSBE Florian Raunig folën sot edhe për korrupsionin politik që është një sfidë kyce e qeverisjes, sepse mbi të bazohen të gjitha format e tjera të korrupsionit, i cili shfaqet në financimin e paligjshëm të forcave politike, blerja e votës, kapja e shtetit, lobimet politike të cilat më pas ndikojnë në të gjithë sektorët e ekonomisë.Ilirjan Agolli

/DRONI.al/