Rama tensionon raportet me Bankers, poston në Facebook kundër kompanisë

Qeveria shqiptare ka reaguar ashpër sot ndaj paralajmërimit të Bankers se do të kufizojë deri në mbyllje operacionet e saj të nxjerrjes së naftës në zonën e Patos Marinzës. Kryeministri Rama është impenjuar edhe personalidht për të qëndruar përballë kompanisë më të madhe në Shqipëri e cila zë rreth 5 për qind të GDP së vendit.

Rama ka postuar vetë sot në mbrëmje deklaratën e qeverisë rreth konfliktit me Bankërs lidhur me pagesat e taskave.

Ja edhe deklarata e qeverisë postuar nga Rama:

“Qeveria e Shqipërisë është e qartë për kërcënimet e bëra nga Bankers Petroleum Ltd, për të mbyllur apo kufizuar aktivitetin në zonën naftëmbajtëse të Patos-Marinzës.

Teksa qeveria mirëpret partnerët e huaj apo vendas, pasuritë kombëtare të Shqipërisë janë një pasuri e të gjithë shqiptarëve dhe as nuk mund të keqpërdoren as mund të përdoren si kërcënim ndaj vendit.

Të gjithë kompanitë që punojnë në Shqipëri, qofshin të huaja apo vendase, duhet t’u binden rregulloreve dhe ligjeve në fuqi në Republikën e Shqipërisë. Qeveria shqiptare është e vetëdijshme për detyrimin dhe të drejtën e saj që të mos lejojë cënimin e integritetit afatgjatë të pasurive të çmuara të vendit”.

Qeveria e akuzon Bankers se ka mashtruar me te ardhurat dhe shpenzimet duke ulur detyrimet e saj ndaj shtetit shqiptar. Aktualisht ceshtja është në gjykatën e Arbitrazhit dhe qeveria ndërkohë ka caktuar edhe një kompani avokatore të huaj të mbrojë interesat e qeverisë në këtë gjykatë.

Bankers menaxhon rreth 80% të puseve të naftës në vend. Mesatarisht ajo ka paguar rreth 50 milionë dollarë taksa në vit ose ndryshe rreth 500 milionë dollarë në 11 vjet.

/DRONI.al/