LSI ka zgjeruar sot kryesinë e saj me katër anëtarë të rinj. Është shtuar Zamira Rami kryetare e Bashkisë Gjirokastër, shefi i kabinetit të Metës, Sokol Dervishi si dhe dy deputetët, Silva Caka dhe Përparim Spahiu. Gjithashtu, LSI ka shtuan në Komitetin Drejtues 20 përfaqësues të Lëvizjes Rinore për Integrim.
Ilir Meta ka akuzuar pa adresë rreth një përpjekje sipas tij për prishjen e imazhit politik të LSI-së.
“Ka një përpjekje për të dëmtuar imazhin politik të LSI-së në mënyrë të padrejtë. Përgjigja jonë ndaj gjithë atyre që janë të shqetësuar për rritjen e LSI-së është transparencë maksimale dhe në çdo gjë. Goditje pa mëshirë ndaj korrupsionit dhe në radhë të parë kur këto shfaqen tek përfaqësues të LSI. Kush dëshiron të jetë qeveritar merr përsipër të bëjë një shërbim publik jo ta kthej aktivitetin në një qendër të vënies së gjobave. Është mesazh shumë i qartë për ish-drejtoreshën e arsimit të Lushnjës dhe për cilindo që kërkon të abuzoi me funksionin publik. Askush s’do ketë mbrojtjen më të vogël por do marri përbuzjen tonë. Askush s’të detyron me zor të bëhesh zyrtar”, tha Meta.
Në vijim ai tha se asnjë deputet i LSI-së nuk ka paguar për të qenë në listë, duke aluduar kështu se një gjë e tillë ka ndodhur në partitë e tjera, sidomos ato që kanë deputetë biznesmenë, ku PS zë vendin e parë.
Ai ka prezantuar nismën e transparencës sipas së cilës buxheti i LSI do bëhet publik në faqen online të LSI. “Kështu njerëzit o të dinë se si shpenzohen fondet një pjesë vjen si kontribut i anëtarëve të saj. Ky proces ka filluar, cdo aktivitet i LSI do të jetë trasparenc dhe brenda 2 ditëve nga zhvillimi i aktivitetit do të bëhen publike shpenzimet për aktivitetin. Në rastet kur do mari pjesë kreu i LSI do bëhen një ditë më para.Ne e duam shumë trasparencen skemi frikë”, ka thënë Meta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
