Ambasadori i Gjermanisë në Tiranë ka lënë të kuptohet se qeveria shqiptare por edhe aktorë të tjerë në Shqipëri nuk po e shfrytëzojnë sic duhet Procesin e Berlinit. Hellmut Hoffmann, duke folur në një seancë informuese në Komisionin për Politikën e Jashtme tha ndër të tjera se të ashtuquajturin process të Berlinit duhet ta shfrytëzoni në mënyrën më efikase të mundshme. “Për shembull jam përpjekur të kuptoj nëse ka patur ndonjë debat publik, dhe tani po prek një çështje teknike, ju kërkoni që të ndërtoni superstradën Adriatiko-Joniane.
E kam diskutuat këtë çështje që prej pranverës së vitit 2014 sepse është shumë e qartë se superstrada Adriatiko-Joniane është një project madhor dhe të tjerat do të jenë pjesë plotësuese të lidhjeve midis Durrësit, Tiranës, Prishtinës e Beogradit. …Meqë ra fjala unë kurrë nuk e kam kuptuar se si mundet dikush të shpenzojë kaq shumë para për ndërtimin e një rruge në një terren kaq shumë të vështirë përmes malesh e me dy tunele kur ju nuk keni asnjë lidhje midis Durrësit dhe tuneleve në brendësi të maleve”, tha jo pa ironi ambasadori gjerman.
Dukë folur për reformat në Shqipëri dhe perceptimin e tij për to ai kërkoi të vihet theksi tek reforma në drejtësi. “Padyshim që reforma juridike dhe shtetit ligjor është celësi dhe unë mundem vetëm tju bëj një apel: sigurohuni që kjo do të ndodhë vërtet. Nëse kjo procedurë nuk fillohet nga gjyqtarët e korruptuar unë nuk mendoj se e besoj që kjo reform është kaq kuptim-plotë në Shqipëri. Nëse Presidenti, Kryeministri, Ministri i Drejtësisë, Lideri i opozitës dhe praktikisht cilido me të cilin unë flas, vazhdon të thotë se korrupsioni është një problem i madh në drejtësi atëherë ky nuk mund të jetë rasti që gjyqtarët të mbeten te paprekur. Dhe në një mënyrë kjo duhet vërtet te fillojë”, tha Ambasadori.
Sipas Ambasadorit, pika e dytë e cila është përsëri shumë e rëndësishme ka të bëjë me ceshtjen e nënpunësit civil I cili duhet të ndërtohen vërtet. Pasi kam qëndruar në Shqipëri për gati me shumë se 2 vjet kam mësuar gjithmonë e më shumë për efektet e këtij sistemi pas zgjedhjeve dhe mungesës së vazhdimësisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
