Dhoma Amerikane nuk tërhiqet dhe i përgjigjet Ramës: Aksioni kundra informalitetit, jo zgjidhja e duhur

Kanë vazhduar replika në distancë mes kryeministrit Edi Rama dhe Dhomës Amerikanë të Tregtisë për aksionin kundër informalitetit që ka mësyrë prej dy muajsh te bizneset.
Ka qenë kreu i Dhomës Amerikanë të Tregtisë, Mark Crawford i cili i është përgjigjur sot deklaratës së kreut të Qeverisë Edi Rama bërë një ditë më parë mbi aksionin e informalitetit, ku u shpreh se, “Të përkrahësh informalitetin, d. m. th.:, të mbash barrën e atyre që s’paguajnë”.
Por Crawford reagon dhe shprehet se aksioni kundër informalitetit nuk është zgjidhja e duhur për të luftuar informalitetin te biznesi. Sipas tij, Dhoma Amerikane e Tregtisë ka qenë ndër të parët që ka kërkuar luftë kundër informalitetit, por se nuk mendon se mënyra si po vepron qeveria, është zgjidhja e duhur.
Lidhur me “kërkesën” e Ramës dje në mungesë, për Crawford, se “si veprohet në SHBA për ata që nuk japin e marrin kuponin tatimor”, kreu i Dhomës Amerikane të Tregtisë, jo pa ironi ju përgjigj se “në SHBA çdo shtet ka ligjet e veta, por e sigurt është se askush nuk futet në burg, pse nuk merr kuponin tatimor”.
Një ditë më parë, Rama në mbledhjen e Këshillit Kombëtar të Biznesit kritikoi qëndrimet e kreut të Dhomës Amerikane të Tregtisë, duke thënë se do kishte preferuar që ai të ishte prezent në këtë mbledhje.
“Përpara se përfaqësuesi i Dhomës Amerikane të Tregtisë të bëjë deklarata pas deklaratash, t’ju tregoj shqiptarëve se çfarë iu ndodh në SHBA dikujt që kapet në evazion, apo duke shitur pa lëshuar faturën tatimore. Pasi t’ia tregojë shqiptarëve këtë, të na tregojë se çfarë duhet të bëhet më mirë…sepse të përkrahësh informalitetin, apo t’i kundërvihesh këtij informaliteti, do të thotë që ata që paguajnë të mbajnë barrën e atyre që nuk paguajnë”, tha Rama.
Dhoma Amerikane e Tregtisë ka theksuar edhe më herët se “aksioni i qeverisë po krijon efekte të kundërta nga ato të parashikuara”.
Kurse faktit se përse munguan në mbledhjen e djeshme Crawford tha se, “Nuk kishim ftesë sepse nuk jemi pjesë e Këshillit Kombëtar të Biznesit që prej muajit korrik. Jemi zëvendësuar me rotacion”.

Për më shumë mund të lexoni edhe …

Rama: Përfaqësuesi i dhomës amerikane mos të na tregojë përralla
/web/Rama_Perfaqesuesi_i_dhomes_amerikane_mos_te_na_tregoje_perralla_8872_1-149.php

/DRONI.al/