Edhe kryebashkiaku i ri i Fierit, Armando Subashi, “mban premtimin”. Përpos premtimeve të tija elektorale, ai e ka lënë Gjanicën “në drejtimin e duhur”, e cila nga ana e saj bën detyrën, si në kohën e Baftjar Zeqajt. Për pasojë, në mënyrë të përsëritur, rritja e nivelit të ujit ka nxjerrë lumin Gjanica nga shtrati duke përmbytur shtëpi dhe biznese në Fier, ndërsa banorë e biznese të dy lagjeve, “1 Maji” dhe “Konferenca e Pezës”, janë gjendur mëngjesin e sotëm të përmbytur.
Banorë të shumtë kanë denoncuar dëmet, djegien e elektro-shtëpiakeve, por edhe shkatërrimin e mobilieve të tjera, ndërsa nuk shpresojnë në ndonjë dëmshpërblim, për shkak se asnjëherë më parë, nuk e kanë përfituar një të tillë.
Nuk dihet saktësisht sa është numri i banesave dhe bizneseve të përmbytura, por sipas një llogarie të thjeshtë, mbi 250 objekte jane nën pushtetin e ujit. Ujërat i janë afruar pedonales së qytetit çka paralajmëron rrezik për përmbytjen e gjithë qytetit të Fierit, nëse reshjet vazhdojnë.
Dalja e Gjanicës nga Fieri, tashëm do ë përbëjë lajm, në qoftë se nuk ndodh në rast rënies shirash. Projektet e kryebashkiakut të ri të Fierit mbeten imazhe të posterave elektoralë, por që mosrealizimi i tyre nuk kanë ndonjë justifikim, ndryshe nga “koha e Baftja Zeqajt i cili “mbrohej” me “pengesat që i krijonte qeveria Berisha”. Dhe ata që shijuan posterat e bukur të kryebashkiakut të ri, do tu duhet të vuajnë sërish përmbytjen e radhës në Fier.
Në mënyrë të përsëritur edhe Shtabi i Emergjencave ka ngritur grupet e punës dhe prej 48 orësh mësohet se është në gatishmëri…, por Gjanica tashmë besohet se “ka mbaruar punë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
