Aksioni kundër informalitetit ka prekur edhe një prej tregjeve më të hershme dhe të populluara në Tiranë atë të mallrave të përdorura. Përfaqësues të afro 400 tregtarët e mallrave të lira që ushtrojnë aktivitetin e tyre në zonën e Spitaleve u është sekuestruar malli nga drejtoria Tatimore pasi u kërkohet të regjistrohen dhe të vendosin kasë. Për të zbutur rëndesat financiare ata i kërkojnë bashkisë të shpallen ambulantë.
Tregtarët e tregut të mallrave të përdorura kanë protestuar para bashkisë pasi drejtoria Tatimore u ka sekuestruar mallrat. Ata i kërkojnë që të shpallen treg ambulant në mënyrë që të paguajnë më pak taksa. Tregtarët thonë se do të vijojnë protestat.
Tregtarët thonë se kjo është e vetmja mënyrë për të mbajtur familjen me bukë.
Specialistët e bashkisë pritën një përfaqësi nga protestuesit të cilëve u është shpjeguar se kërkesat e tyre nuk lidhen me këtë institucion.
Pas protestës së zhvilluar të bashkia tregtarët iu drejtuan Avokatit të Popullit, i cili mori përsipër të bëjë verifikime dhe më pas nëse konstatohen shkelje të të drejtave të tyre tua përcjellë ato institucioneve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
