Deputeti i PD-së Genc Pollo, ka komentuar në “Facebook”, deklaratën e Edi Ramës, për “Newsweek”.
“Edi Rama i thotë Bashkimit Europian: po ndale zgjerimin hupëm durimin, bëjmë gjakderdhje!!! (Newsweek) Mënyrë e keqe, recidive për tu konfrontuar me Evropën. Sidomos kur je keq me detyrat e shtëpisë si krimi, korrupsioni e shteti ligjor”, shprehet Pollo.
Reagimi i deputetit demokrat erdhi pasi Edi Rama ka paralajmëruar Europën se lodhja nga zgjerimi do të kishte ndikim për paqen në Ballkan. Këtë paralajmërim Kryeministri i Shqipërisë e bëri në revistën “Newsweek”.
“Sot, ne kemi një paqe në rajon, të cilën nuk e kemi pasur kurrë në histori”, është shprehur Edi Rama për ‘Newsweek’, i vetëdijshëm se, siç thotë ai, ne nuk jemi engjëj dhe as nuk kemi për të qenë ndonjëherë, por se kjo paqe është rezultat i aspiratës së të gjithë popujve në këtë zonë për të qenë pjesë e Europës”.
I drejtpërdrejtë ka qenë kryeministri shqiptar në këtë interviste kur thotë së “Nëse Europa do të vazhdojë të tregojë lodhje nga zgjerimi, atëherë ajo rrezikon që ta shohë këtë rajon të lodhur nga durimi. Nëse durimi merr fund, Ballkani gjithmonë do të identifikohet me gjakderdhje”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
