“Miku im nuk bëj asnjë prononcim që nuk e besoj, ndryshe do isha shprehur entuziast edhe për pensilinën (streha) e kryeministrisë”.
Mesazhi mban autorësinë e Artan Shkrelit në një përgjigje të tij në “Facebook”, duke iu përgjigjur bashkëbiseduesve në debatin për strehëzën te kryeministria.
E lexuar ndryshe, ky mesazh shpreh pesimizmin e këshilltarit të kryeministrit, për Urbanistikën.
Këtë pesimizëm, si këshilltar jo vetëm on-line, Artan Shkreli duhet t’ia ketë shprehur kryeministrit, por për deri sa strehëza është varur te porta e kryeministrisë, Edi Rama nuk e paska dëgjuar këshilltarin e tij…, megjithëse pagën muaj për muaj ia derdh në llogarinë bankare.
Mosdëgjimi i Artan Shkrelit as nga Edi Rama, më tepër se një problem i kryeministrit, është një problem i këshilltarit…, i cili pas ka folur e folur për ca pemë të prerë për zgjerimin e rrugës hyrëse të Tiranës – nga Elbasani…, pasi ka folur e folur për Piramidën…, pasi ka folur e folur në mënyrë selektive, për gardhin e presidencës, çuditërisht jo për atë të drejtorisë së Policisë së Tiranës…, është konsumuar aq shumë, sa askush nuk ka pse ta dëgjojë, apo për më tepër ta besojë…, për gjëra që as ai vetë nuk i beson… edhe kur ankohet në “Facebook”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
