Biznesi vendas ka reaguar ndaj vendimit të qeverisë për të rritur taksat ndaj biznesit. Sipas tyre, qeveria duhet të rishikojë vendimin për të rritur taksat pasi të dhënat e fundit kanë treguar se rritja e tyre ka çuar në një rritje të informalitetit.
Lidhur me këtë çështje ka folur administratori i Konfindustria, Gjergj Buxhukui cili thotë rritja e taksave jo vetëm që nuk ka sjellë më shumë të ardhura në buxhet, por edhe ka rënduar biznesin dhe ka rritur evazionin. Gjithashtu, Buxhuku thotë se ulja e të ardhurave nga TVSH-ja dhe akciza janë tregues se politikat që ka ndërmarrë qeveria nuk kanë funksionuar.
Buxhuku shprehet:
“Ne duhet të analizojmë politikat në këndvështrimin që diskutuam,pra të kalojmë nga politika fiskale e shtrënguar, në një politikë fiskale me taksa më të ulëta, por me një zbatim rigoroz të ligjit pastaj. Nëse ti zbaton politika fiskale të lehtësuara, natyrisht është edhe më e lehtë pastaj të kërkosh zbatimin e ligjit”.
Aktualisht Ministria e Financave po përgatit paketën fiskale të vitit të ardhshëm, ndërkohë që kërkesat kryesore të bizneseve lidhen me uljen e taksave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
