FOTO/ Tiranë, prishet ndërtimi pa leje në oborrin e shtëpisë së Princit Leka

Ky ndërtim u denoncua dy muaj më parë edhe nga DRONI.al – Agjencia Kombëtare e Lajmeve

Prishet ndërtimi i paautorizuar në Lulishten Mbretërore, pranë Kinema Millenium-it në Tiranë.
Ky ndërtim u denoncua dy muaj më parë edhe nga DRONI.al – Agjencia Kombëtare e Lajmeve (shih linkun më poshtë).
Ndërtimi abuziv ishte bërë mbi një zonë me rëndësi arkeologjike për vendin, pasi aty ndodhen themelet e Kalasë së vjetër të Tiranës.
Ministria e Kulturës përmes një njoftimi për shtyp, i referohet një ankesë që Leka II Zogu kishte bërë për këtë objekt që në maj.

Njoftimi i Ministrisë së Kulturës

“Në muajin maj 2015, specialistë të Sektorit të Tiranës të Drejtorisë Rajonale të Kulturës Kombëtare Durrës njoftuan se në Zonën Arkeologjikë të Kalasë së Tiranës po zhvilloheshin punime të paautorizuara. Kjo drejtori iu drejtua Inspektoratit Kombëtar të Mbrojtjes së Territorit me shkresën e datës 14. 05. 2015, ku bëhet me dije se subjekti ‘Folie’ sh. p. k., po kryen punime me karakter ndërtimor të paautorizuara dhe kërkohet marrja e masave ndaluese si dhe vënia e gjobës ndaj subjektit.
Në ankesën e dt 20. 07. 2015 paraqitur nga Familja Mbretërore e Princ Leka II Zogu shprehet shqetësimi për ndërtime pa leje nga shoqëria ‘Ida’ sh. p. k., në ambientet e Lulishtes Mbretërore pranë Kinema Millenium, pronë e Familjes Mbretërore.
Menjëherë u inspektua situata në vend nga specialistët e Sektorit të Tiranës të Drejtorisë Rajonale të Kulturës Kombëtare, Durrës dhe në datë 21. 07. 2015 iu drejtua shkresa e denoncimit dhe kallëzimit penal institucioneve të Ministrisë së Brendshme, Inspektoratit Kombëtar të Mbrojtjes së Territorit, Drejtorisë së Policisë së Qarkut Tiranë, e cila ka ndërhyrë për të kryer veprimet e prishjes së objektit të paautorizuar”.

Për më shumë mund ë lexoni edhe …

/web/Ndertim_i_dhunshem_ne_oborrin_e_Princit_Leka_Artan_Lame_refuzon_nderhyrjen_2673_1.php

/DRONI.al/