Shqiptari Akil Kaciza ishte njëri nga dy personat që mbetën të vdekur pasi u përplasën nga një kamion në autostradën Milano – Venecia, teksa po i ndërronin gomën makinës në korsinë e emergjencës.
Ngjarja sipas TV “Ora News”, ndodhi në pasditen e së hënës më 6 korrik ku së bashku me 30 vjeçarin shqiptar, humbi jetën edhe italiani Giovanni Balestra, banues në Bergamo. I padëmtuar, por në gjendje shoku, një person i tretë ndodhej brenda në makinë gjatë momentit të ndërrimit të gomave.
Sipas Policisë Rrugore italiane, që arriti menjëherë në vendngjarje, makina me tre burrat, ku ndodhej dhe shqiptari ndaluan në korsinë emergjente pasi iu shpua goma e majtë e përparme.
Akili dhe Balestra zbritën për të ta ndërruar rrotën me atë rezervë, dhe akoma nuk është dhënë një version i qartë se si ndodhi aksidenti, por shoferi i kamionit i cili po udhëtonte drejt Breshias nuk e vuri re prezencën e tyre në anë të rrugës, i përplasi ato.
Menjëherë pas përplasjes, shoferi i kamionit, një burrë 56 vjeçar zbriti për t’i dhënë ndihmë të aksidentuarve, por nuk mund të bënte asgjë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
