Kontrolli i Lartë i Shtetit ka kërkuar shkarkimin e drejtoreshës së Agjencisë Kombëtare të Turizmit, Julinda Dhame pas abuzimeve me vlerat monetare të gjetura pas një kontrolli të zhvilluar në AKT dhe që ka përfunduar në prill të këtij viti.
Në përfundim të auditit Kontrolli i Lartë i Shtetit, ka rekomanduar dhe kërkuar zbatimin e kësaj mase, pasi në zbatimin e detyrave të saj funksionale janë konstatuar shkelje dhe mangësi në disa raste.
Julinda Dhame dhe agjencia që ajo drejton, më se një herë kanë qenë objekt denoncimesh dhe akuzash, për transferim fondesh të aktivitet TRAKU FEST, zhvilluar në Gjirokastër, me qëllim “financimin” e dasmës së Erion Veliajt.
“Ka lidhur marrëveshje që bien në kundërshtim me Ligjin ‘Për Turizmin’, si për shpenzime transporti e fjetje të personave për aktivitete TRAKU FEST…,, etj, që nuk kanë lidhje me promovimin e turizmit”, vëren KLSH midis të tjerave në kërkesën për shkarkimin e kreut të AKTS-së.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
