Policia dhe prokuroria dështoi të evidentojë një rast të dyshuar të korrupsionit elektoral në Mat pas padisë nga kandidati për deputet i PD, Basir Çollaku. Bëhej fjalë për një fugon shoqëruar nga zyrtarë të administratës socialiste në Mat që qarkullonte në fshatra.
Policia njoftoi se në furgon nuk u gjetën gjëra të paligjshme, pa qenë të qartë se kur bëhet fjalë për krim elektoral nuk është fjala për armë, dinamit apo drogë, mallra kontrabandë apo emigrantë të paligjshëm. Në krim elektoral edhe vetë furgoni mund të jetë gjë i paligjshëm, ashtu si shoferi, ashtu si edhe ata që e shoqërojnë.
Për më tej furgoni ka shkuar në polici dhe jo policët tek furgoni. Prokurori duhet të mbajë shënim dhe të bëjë hartën e lëvizjes dhe arsyeve për të dy makinat pasi të pyeten dëshmitarët. Çfarë bëbte furgoni shoqëruar me zyrtarë, shpërndante qumësht?
Më poshtë shënimi i kandidatit për deputet Çollaku dhe njoftimi i policisë së Matit (Dibrës):
Një njoftim për njoftimin policor!!
Ky është njoftimi i pilicisë së Komisariatit Mat. pas kallzimit të bërë dje nga unë. Natyrisht reagimi për marrjen e kallëzimit të deklarimeve janë bërë korrekt.
Disa të dhëna të cilat duhet të ishin shënuar
Në terren mjetin e kam fotografuar në orën 17 e 52 minuta
Me shefin e Komisariatit Ervis Sançolli, kam komunikuar me whatsup sepse në.thirrje telefonike nuk dëgjohej, dhe nuk gjeti mundësi të.ritelefononte më pas ndoshta nga angazhimet.
Salla operative e Komisariatit të Policisë më ka telefonuar në orën 19 e 16
Unë kam shkuar në Komisariat për të bërë kallzimin në orën 20
Kam dalë nga Komisariati rreth orës 21 e 10
Në mjetet furgon dhe fuoristradë kanë qenë punonjës të OSHE të Njësisë administrative Ulëz, dhe eksponentë të Partisë Socialiste. Të cilët i kam me emra disa ua kam thënë edhe Policisë.
Komisariati i Policisë Mat.
Pronarë dhe përdorues i kam identifikuar për pak minuta ndërsa policia se di!!!?
Çfarë duan këta zyrtarë bashkë në furgon dhe fuoristradë nëpër fshatra ??!
Dhe fakti njëmilionë dollarësh!!
Furgoni a është ndaluar apo ka ardhur vetë?!?!
Sepse 4 orë pas njoftimit ai nuk ka qenë në mjediset e komisariatit.
Për 4 orë a ka pasur ndonjë lavazh hapur?!
Për 4 orë bëhen shumë punë
Për katër orë mund dhe ta djegësh mjetin!!
Herën tjetër do jem më konkret. Ju premtoj miq të Policisë dhe Prokurorisë!!
NJOFTIMI/ Më datë 08.04.2025, është paraqitur dhe ka bërë kallzim shtetasi B.Ç., 56 vjeç, banues në Tiranë, kantidat për deputet në Kuvendin e Shqipërisë pasi dyshonte se në fshatin Bushkash, Mat, disa persona të panjohur nga ana e tij, po shprëndanin produkte të ndyshme me një automjet (furgon), me qëllim favorizimin e subjekteve politike.
Menjëherë pas administrimit të kallzimit, shërbimet e Komisariatit të
Policisë Mat, kanë bërë shoqërimin e drejtuesit të automjetit shtetasi F.L., sëbashku me automjetin e tij furgon, ku nga kqyrja dhe veprimet hetimore nuk u konstatua asnjë send apo veprim i kundraligjshëm.
Të gjitha veprimet janë kryer në drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Dibër. r.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
