Cila nga vaksina kineze mori autorizimin nga OBSH për përdorim emergjence

Cila nga vaksina kineze mori autorizimin nga OBSH për përdorim emergjence

119
0
Shares

Organizata Botërore e Shëndetësisë dha të premten autorizimin për përdorim në raste urgjente të një vaksine kundër COVID-19, prodhuar nga kompania shtetërore kineze Sinopharm. Vendimi krijon mundësinë që miliona doza vaksinash të shpërndahen tek vendet në nevojë përmes programit COVAX të Kombeve të Bashkuara, raporton zëri i Amerikës.

Vendimi u mor nga një grup teknik këshillimor i OBSH-së. Ky është autorizimi i parë që OBSH-ja jep për një vaksinë kineze.

Përveç të dhënave lidhur me efikasitetit e vaksinave, autoritetet kineze nuk kanë ofruar shumë të dhëna të tjera publike në lidhje me dy vaksinat e tyre, njëra e zhvilluar nga Instituti i Produkteve Biologjike në Pekin dhe tjetra nga Instituti i Produkteve Biologjike në Wuhan.

OBSH-ja miratoi për përdorim urgjent vaksinën e Institutit të Produkteve Biologjike në Pekin.

Këtë pasdite OBSH listoi për përdorim emergjent vaksinën kundër COVID-19 të prodhuar në Pekin, duke e bërë atë vaksinën e gjashtë që merr miratimin e OBSH-së lidhur me sigurinë, efikasitetin dhe cilësinë e saj“, u tha gazetarëve Drejtori i Përgjithshëm i OBSH-së Tedros Adhahom Ghebreysus.

Sinopharm u bashkohet në këtë mënyrë vaksinave të prodhuara nga kompania Pfizer-BioNTech, Johnson & Johnson, Moderna, AstraZeneca dhe një versioni të vaksinës AstraZeneca, të prodhuar nga Instituti Serum i Indisë, të cilat gjithashtu kanë marrë autorizimin e OBSH-së.

Vendimi krijon mundësinë që vaksina kineze, miliona doza të së cilës janë eksportuar tashmë në disa vende, t’i bashkohet arsenalit të vaksinave të OKB-së për të luftuar COVID-19-n, në një kohë kur furnizimi me vaksinave të prodhuara nga Perëndimi mungon.

Futja e vaksinës (Sinopharm) ka potencialin për të përshpejtuar qasjen tek vaksinat kundër COVID-19-s për vendet që kërkojnë të mbrojnë punonjësit e shëndetësisë dhe popullatën në rrezik“, tha Dr. Mariangela Simao, zyrtar i lartë i OBSH-së.

Arnaud Didierlaurent, profesor në shkollën mjekësore të Universitetit të Gjenevës i cili kryesoi grupin këshillues të OBSH-së, tha se kishte kërkuar të dhëna shtesë nga Sinopharm-i dhe se do të kishte një “vlerësim të vazhdueshëm” të kësaj vaksine. VOA

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY