Në udhëzimet për votim të KQZ , qytetarët kanë 3 mundësi votimi: votimi vetëm për partinë; votimi për partine dhe kandidatin; votimi vetëm për kandidatin.
Ndërkohë pothuajse nuk shpjegohet asgje se kur keto votime prodhojnë votim të parregullt. Në jo pak raste votuesit mund të qarkullojnë votën nga një parti tek një kandidat dhe ndërkohë qe votojnë mund krijojnë votë të pavlefshme me lehtësi.
Ndërkohë nuk është shpjeguar se nëse voton për kandidatin, do të thotë se vota do të numerohet edhe për partinë qe ka kandidati.
Mungesa e ketyre shpjegimeve mund të sjellë deformimin e vullnetit të votuesve dhe të krijojë shumë vota të parregullta sidomos kur votohet për kandidatin e një partie dhe pastaj për një parti tjetër.
Shumë kandidatë që janë në zonat humbëse të listave po investohen në votën personale. Ndërkohë disa prej tyre i përkasin komuniteteve të vecanta lokale apo të prejardhjes çfarë mund të çojë votën nga politike në interesa më të ngushta si ato të komunitetit. Nëse dikush qe do të votojë PD por për shkak të komunitetit voton numrin e fundit të PS që është i komunitetit cam, mund të shkaktojë votë të pavlefshme ose devijim të vullnetit politik.
Votuesi nuk mund të votojë partinë dhe ndërkohë edhe kandidatin e një partie tjetër. Kjo është votë e pavlefshme. Nëse voton vetëm kandidatin e një partie që nuk e ka për zemër, por ka kandidatin për zemër, vota e tij do të numërohet edhe si votë për partinë e kandidatin që preferon pavarësisht se nuk do të votonte kurrë partinë e tij.
Duhet një fushatë e madhe informimi sidomos nga opozita e cila mund të pësojë në vota për këtë shkak, sidomos ato vota që i vijnë nga partitë e vogla që nuk kanë kohezion në elektoratin e saj, siç është PDIU, PAA por edhe PBDNj. s.n
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
