Bujar Leskaj bën premtimin surprizë: Orikumin do ta kthejmë në bashki!

Ish kreu i KLSH, Bujar Leskaj që aktualisht drejton fushatën e PD në qarkun e Vlorës është i vendosur në idenë që Orikumi duhe të shpallet bashki më vete.

Leskaj tha se banorët e kësaj zone kanë kohë që e kanë konstatuar problemet që kanë lindur nga ndarja e re administrive e cila u zbatua nga qeveria e majtë në vitin 2015, ndërkohë që argumenton se në tërësi reforma administrative e zbatuar nga qeveria nuk i ka realizuar abjektivat e saj dhe konsiderohet e dështuar.

“’Karakteristikat gjeografike, kulturore, historike, sociale, pasuritë dhe perlat natyrore, e bëjnë imperative administrimin e kësaj zone si një bashki më vete. Po kështu, që nga miratimi i reformës administrative, Orikumi dhe rrethinat e tij janë lënë në harresë. Me ardhjen në pushtet të PD-së Orikumi do ti rikthehet banorëve të tij, me statusin që meriton, atë të bashkisë”, ndërsa një numër argumentash të tjerë i ka shpjeguar më gjerë në një analizë publikuar këto ditë në rrjetet sociale.

Leskaj thotë se kjo është një cështje e rëndësishme që lidhet drejtëpërsedrjeti me mirëqënien e qytetarëve. “Këto dhe të tjera problematika të zonës do të vijojnë të diskutohen e projektohen me intelektualët, burrat e mençur e të urtë, profesionistët dhe banorët e Orikumit, Dukatit, Tragjasit, Radhimës, etj”, thotë Leskaj.

Në artikullin e tij “Rishikimi i Reformës Territoriale-Administrative, një domosdoshmëri. Orikumit t’i kthehet statusi  Bashki” ai i është referuar edhe ekspertëve të reformes administrative ashtu edhe njohësve të mirë qoftë të reformës e qoftë të zonës .

Leskaj shkruan në artikullin e tij se në Shqipëri Komisioni për Reformën Administrative-Territoriale e zhvilloi veprimtarinë e tij në një afat kohor prej 3 muajsh. Në vendet e Europës, procesi ka zgjatur afërisht rreth 10-20 vjet dhe pikënisja e procesit ka qenë ngritja e një Komisioni mbi Strukturën Administrative, që kishte pikësëpari detyrën e analizimit nëse ishte e nevojshme apo jo një reformë territoriale, duke e analizuar në optikën e rritjes së efiçiencës së shërbimeve publike. Për shembull, në Danimarkë, në vitin 2004 u përgatitën fillimisht 50 akte ligjore të cilat iu nënshtruan dëgjesës publike, para miratimit të reformës në 2007.

Po ashtu rezulton se konfigurimi ri i kufijve administrativë në bashki nuk është bazuar në kritere të qarta dhe specifike, të tillë si kriteri i distancës minimale apo kriteri i popullsisë minimale që do të reflektonte qëllimin për aplikimin e ekonomisë së shkallës, duke krijuar për pasojë një asimetri të kufijve bashkiakë.a.b/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje