Tirana International Airport ka reaguar për bllokimin e pasagjerëve qe presin te udhetojne me avionin e kompanisë Wizz Air, që prej orës 13:40.
Njoftimi thotë që fluturimi drejt Italisë është anuluar për arsye teknike dhe se pasagjerët janë në sallën e tranzitit duke pritur një tjetër avion që po vjen nga Shkupi për marrë pasagjerët e për t’i dërguar në Itali.
“Në vëmendje të pasagjerëve të kompanisë Wizz Air që udhëtojnë nga Tirana në Venezia. Njoftojmë pasagjerët dhe familjarët e tyre, se fluturimi i kompanisë Wizz Air me destinacion Venezia parashikohet të kryhet sonte në ora 20.50
Për arsye teknike, fluturimi i parë është anulluar dhe një avion tjetër i Wizz Air është në nisje nga Shkupi për në aeroportin e Tiranës, për t’i transportuar pasagjerët më tej, në Venezia.
Aktualisht 129 pasagjerët janë në sallën e tranzitit, me trajtimin nga kompania ajrore sipas procedurave të vonesave në fluturim. Për çdo informacion, kontaktoni ju lutem Call Center +35542381800. Siguria e jetës është e para. Ju falenderojmë për bashkëpunimin dhe durimin” thuhet në njoftim.
Më herët njëri prej pasagjerëve Hetem Avdyli u shpreh në një prononcim për Abcnews.al se askush nuk e vret mendjen për atë që po ndodh, ndërsa janë ngjitur me njëri tjetrin dhe nuk po respektohen aspak masat anti-covid.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/