E PLOTE/Yuri Kim: Pata nderin t’ia dorëzoja kryeministrit Rama një letër nga Donald Trump

Ambasadorja amerikane në Tiranë në një postim në rrjete sociale shprehet se i ka dorëzuar kryeministrit Edi Rama një letër nga presidenti i SHBA-ve, Donald Trump.

Mes të tjerash, diplomatja amerikane thotë se Trump e ka falënderuar për udhëheqjen e Shqipërisë në Ballkan dhe në Evropë.

“Pata nderin t’ia dorëzoja Kryeministrit Edi Rama një letër nga Presidentit Donald Trump duke falënderuar udhëheqjen në Ballkan dhe Evropë; refuzimi i praktikave abuzive të Kinës; dhe mbështetjen e normalizimit ekonomik midis Serbisë dhe Kosovës si dhe Marrëveshjen e Abrahamit. #KrahPerKrah”, shkruan Kim.

Më herët, kryeministri Edi Rama publikoi letrën e dërguar nga shefi i Shtëpisë së Bardhë. Në letër, Trump falenderon Ramën për mbështetjen që Shqipëria jep për krijimin e rrjeteve të sigurta të telekomunikacionit duke e cilësuar një shembull të fortë në rajon.

Ndër të tjera ai thekson se shpreson që Shtetet e Bashkuara dhe Shqipëria së shpejti të nënshkruajnë një Memorandum Mirëkuptimi mbi sigurinë 5G, një marrëveshje që i hap rrugën vendeve të tjera në Ballkan të bëjnë të njëjtën gjë.

Trump në letrën e tij dërguar Ramës i ka kërkuar atij që të dalë nga nisma e Kinës 17 + 1.

https://www.facebook.com/edirama.al/photos/a.10150147019281523/10158196310866523/

//DRONI.al/

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje