Dhuna e vazhdueshme e bashkëshortit, 34-vjeçarja tenton t’i japë fund jetës me fotoksinë

Ndaje

Dhuna e vazhdueshme nga bashkëshorti ka çuar drejt vetëhelmimit me pesticide një 34-vjeçare nga Poliçani, nënën e 2 fëmijëve.

F.I është dërguar në gjendje të rëndë drejt Tiranës. E reja mësohet se ka konsumuar një sasi të madhe pesticidesh.

Ngjarja ka ndodhur në lagjen “Kombinat” në Poliçan dhe shkak për ndërmarrjen e këtij vendimi të gruas është bërë dhuna e vazhdueshme që bashkëshorti i saj ushtronte ndaj saj.

Për shkak të dhunës në familje, mësohet se gruaja ka qënë e pajisur një vit më parë me “urdhër mbrojtje” dhe më pas është ribashkuar sërish me bashkëshortin e saj.

Burime të besueshme kanë konfirmuar se grindjet dhe dhuna në familjen e 34-vjeçares F.I kanë qënë të vazhdueshme dhe në shumë raste edhe në sy të dy fëmijëve të vegjël.

Gruaja është gjetur e shtrirë pa ndjenja në dyshemenë e dhomës së gjumit nga fëmijët, që kanë njoftuar për ndihmë komshinjtë dhe më pas policinë.

Ajo është transportuar me urgjencë drejt Spitalit Rajonal të Beratit, por për shkak të gjendjes së rëndë mjekët e kanë transportuar me urgjencë drejt Tiranës.

/DRONI.al/

loading...
Loading...

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

Leni një përgjigje