‘Mos spekulloni, nuk jemi në luftë, jemi vetëm përballë një epidemie’

Ndaje

Ish-deputeti Tritan Shehu permes nje shkrimi në rrjetet sociale, është përpjekur të qetësoje publikun shqiptar lidhur me ato çfarë dëgjojnë në çdo ditë sa i perket koronavirusit.

Shehu thotë se nuk duhet te spekullojmë dhe as të kemi frikë nga deklaratat që ngjallin panik, pasi kjo epidemi, si shumë të tjera me parë, do të kalojë, por kerkon realizim dhe shumë strategji.

Shehu i referohet vetem nje problemi qe Shqiperia ka ne kete momente, perqindjen me te larte te vdekshmerise ne rajon, dhe per kete ai sugjeron kryerjen e sa me shume testeve per te ulur perhapjen.

POSTIMI I SHEHUT

Mos spekulloni, nuk jemi ne lufte, jemi vetem perballe nje epidemie! Nqs edhe para pak humbi jeten nje pacient tjeter, qe do te vazhdonte te jetonte pavaresisht semundjeve shoqeruese, kjo ndodhi nga nje infeksion viral, jo nga ndonje predhe.

Ai i ndjere nqs u shtrua me vonese ne spital, kjo ndodhi sepse hallkat e sistemit shendetesor nuk funksionojne si duhet nga mjeku i familjes, jo sepse u bllokua diku nga “luftime” apo rruges nga “aviacioni” armik.

Nqs shifrat e vdekshmerise sone jane me te lartat edhe ne rajon, nqs metodat invazive te terapise intensive nuk po japin rezultate si kudo, ketu nuk mund te akuzohen ato metoda, por kushtet jo bashkekohore teknike te reparteve tona te reanimacionit, gje qe nuk e ka shkaktuar ndonje sabotim i “komandove” armike, por lenia ne kete nivel e sistemit tone nen divizen “shendetesi falas”.

Nqs ne vazhdojme te mos realizojme test, test, test, kjo nuk vjen se laboratoret tane jane bere “kolaboracioniste”, por sepse nuk duam ta realizojme kete.

Pra mos te fshihemi mbas termave spekulative si “lufte”, kasapane, bomba etj, qe vetem ndotin ambjentin, nuk ka asgje te tille e nuk do te kete se njerezimi disa here eshte perballuar me epidemi e ka fituar edhe kur nuk kishte dijet, mjetet e mundesite e sotme.

Ka vetem nje ballafaqim me nje epidemi ku ne e Rajoni jemi sot ne nje “faze te bute”, qe vertet eshte nje prove per cdo shtet e sistemet shendetesore, ballafaqim qe duhet perballur me realizem, strategji, transparence e vendosmeri, me sa me pak humbje njerezore e ekonomike, e jo duke kerkuar te fshehesh pergjegjesite e mos pregatitjeve e mungesen e vizionit mbas “luftrave” a “gjemave” imagjinare. Kjo sjellje jashte realitetit vetem shton rreziqet e pasojat negative.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

Leni një përgjigje