Greqia ka mbyllur kufijtë e saj ndaj qytetarëve jo-nga Bashkimi Evropian, që nga ora 6:00 e mëngjesit të Mërkurën, 18 Mars 2020, në një masë e cila synon të përmbajë përhapjen e koronavirusit në vend.
“Qytetarët e vendeve jo të BE-së nuk do të lejohen të hyjnë në vendin tonë nga ora 6:00, përveç një kushti absolutisht të domosdoshëm që lidhet ekskluzivisht me punën emergjente ose familjen,” tha kreu i Mbrojtjes Civile dhe Zëvendës Ministri për Menaxhimin e Krizave, Nikos Hardalias të merkuren.
Anëtarët e familjes të shtetasve grekë ose të BE-së që banojnë në Greqi, diplomatët, punonjësit ndërkufitar dhe të kujdesit shëndetësor, dhe njerëzit që transportojnë mallra janë të përjashtuar nga ndalimi.
Vendimi u njoftua disa orë para se udhëheqësit e Bashkimit Evropian te vendosin të mbyllin të gjitha kufijtë.
Ata që mund të udhëtojnë akoma në Greqi përfshijnë qytetarë Grekë dhe BE, por një karantinë 14-ditore rekomandohet shumë veçanërisht për ata që vijnë nga Britania e Madhe.
Hardalias këshilloi veçanërisht “izolimin ne shtëpi” për ata që vinin nga Mbretëria e Bashkuar. “Ne i konsiderojmë ato sikur të kenë rënë në kontakt me virusin,” tha ai në një konferencë shtypi të transmetuar drejtpërdrejt në ERT TV.
Hardalias rekomandoi që ata që tashmë kanë ardhur në Greqi nga jashtë për pushime, “të kufizojnë në mënyrë të domosdoshme lëvizjen e tyre”.
Ata që janë në “karantinë vullnetare” mund të largohen nga vendi para se të skadojë kjo periudhë prej 14 ditësh.
Greqia tashmë ka pezulluar të gjitha fluturimet dhe tragetet e pasagjerëve për në Itali. Ajo gjithashtu ka mbyllur kufijtë me Shqipërinë dhe Maqedoninë e Veriut. Vetëm trenat dhe kamionët e mallrave tani lejohen përmes kufijve.
Zëvendësministri njoftoi gjithashtu se anijet me vela nuk lejohen të hyjnë në Greqi nga jashtë. Sipas të dhënave zyrtare të martën, 5 persona kanë vdekur dhe 387 raste të koronavirusit janë konfirmuar në Greqi që nga shpërthimi i koronavirusit.
vijon..
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
