EDVIN PRIFTI/ Alarmi i kardiokirurgut per koronavirusin, PPP pengon diagnostikimin

EDVIN PRIFTI/ Alarmi i kardiokirurgut per koronavirusin, PPP pengon diagnostikimin

355
0
Shares

Vdekjet e para te shenuara ne Itali nga infeksioni i koronavirusit na bejne te ndjehemi akoma edhe me afer ndaj ngjarjeve te cilat mund te jene shkaterrimtare per njerezit dhe popullin tone. Masat drakoniane qe jane marre ne vendin e origjines te ketij infeksioni viral dhe qe po shoqerohen me masa akoma edhe me te ashpra ne vendet prane duhet te na bejne te mendojme akoma edhe me seriozisht se si duhet te pergjigjemi ne keto kushte. Mendoj qe gjithmone ka momente relaksi dhe llafesh, proklamatash, por kur ndodhemi perballe fataliteteve te mundshme duhet nje seriozitet i jashteZakonshem dhe profesionalizem i cdo strukture.
E para diagnostikimi ne kohe rekord:
Dje po interesohesha dhe mu tha nga nje prej specialisteve tane me te mire te semundjeve infektive qe real time PCR me kitet e koronavirus eshte kerkuar nga laboratori i mikrobiologjise ne QSUT dhe nuk eshte realizuar pasi PPP nuk e parashikon. Sigurisht qe dikushi do justifikohet qe kjo eshte nje emergjence dhe e re! Pikerisht keto raste duhet te parashikohen ne cdo rast. Pra justifikimi eshte i pajustifikueshem. Atehere une them qe zoterinj- ketu ndodhemi perballe nje ceshtje te sigurise kombetare. Une nuk e di se cmund te konsiderohet tjeter gje brenda nocionit te sigurise kombetare. Dhe ne keto kushte dikush mund te kete paturpesine te ktheje nje pergjigje te tille. Nga ana tjeter ne si universitet na duket nje gje normale kjo?! Nese kjo PPP reagon ne kete menyre atehere pa dyshim qe duhet rishikuar pasi eshte totalisht e padrejte dhe aspak shkencore, bllokon hulumtimin qe ne pikenisje dhe rrezikon dhe cenon jeten. Kur i mohohet te vetmes qender universitare hulumtimi dhe diagnostikimi?! Atehere kush do ta beje? Dikushi me tha se mund te diagnostikohet ne institutin e shendetit publik. Kjo eshte gje shume e mire, Po si mund te mohohet diagnostikimi ne QSUT.
E dyta: karantina
Asgje nga fronti i lindies. Nuk dime se si, ku, ne ckushte. Mos na duket cudi, pasi mund te jete secili prej nesh kandidat per ne karantine dhe mendoj qe njerezit duhet te jene ne dijeni te gjithshkaje. Sugjeroj qe karantina duhet treguar dhe demonstruar. Per kujtese qe ka qene dikur nje burre shteti ne Giermanine e madhe civile qe u mbushi mendjen familjeve gjermane qe te gjithe njerezit me aftesi te kufizuara, sindromat etj do te qendronin ne zona te caktuara “karantine” dhe me pas dihet fundi i tyre. Prandaj eshte e drejta minimale civile qe ne nje shoqeri te lire karantina demostrohet dhe cdo njeri prej qytetareve e di se ku do te qendroje per periudhen e caktuar te izolimit. Ndonje mjek qe ka deklaruar qe karantinat jane sekrete thote vec nje absurditet te panevojshem. Edhe Kina tregonte ne detaje kushtet e karantinave. Prandaj dhe koleget tane te semundjeve infektive qe jane super specialiste ne fushen e tyre te jene ne krye te cdo lloj trajtimi dhe survejimi te mundshem.
E treta: trajtimi
Keta te semure ne fund te tyre kane nevoje per ventilim mekanik te drejtuar ose oksigjenim artificial. Persa i perket ventilimit mekanik, me Shqiperi ne kemi vetem 140 ventilatore mekanike, ketu perfshire edhe strukturat private qe do te thote, qe sikur tjua mohojme ventilimin mekanik gjithe te semureve te tjere atehere vendi yne mund te trajtoje vetem 140 te semure njekohesisht. Oksigjenimi artificial qe ka te beje me nje aparat tjeter qe quhet Extracorporeal membrane oxygenator ose ECMO te cilin kemi vite qe e kerkojme me ngulm ne kardiokirurgji por sidomos pas epidemise se H1N1 si e vetmja alternative per te mbajtur ne jete keta te semure, nuk ka asnje aparat te tille ne Shqiperi.
Afersia me Lombardine, shkembimet ne njerez dhe mallra me Italine na shtyn qe duhet menduar seriozisht per perballjen me koronavirusin. Dikush mund te thote qe nuk duhet bere panik. Mbase kjo mund te vlente para nje muaji kur ngjarja ishte larg dhe efekti nuk dihej, por tashti me duket infantile totalisht cdo justifikim ne kuadrin e mos perhaphes se panikut. Tek e fundit ne nje lufte duhet te shkojme te pergatitur. Nuk mund te sillemi sikur eshte nje gje larg nesh. Cdo njeri prej nesh, politikane, biznesmene, ambasadore, ministra dhe deputete, por vecanerisht personeli shendetesor mund te jene te infektuarit e radhes. Nga 29 te infektuar ne itali, 5 jane personel shendetesor. Dhe pa dyshim qe personeli shendetesor ne vendin tone nuk do ta meritonte aspak nje risk te ri te shtuar. Domine Quo Vadis?!

Per kedo qe mund ti vleje me poshte jane te gjitha masat e marra nga regione Lombardia. Duhet te jemi te gjithe aleate ne kete lufte. Keto masa ju vlejne atyre qe kane ne dore per te bere dicka. Dhe kjo duhet bere duke u distancuar nga cdo qendrim i panevojshem.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY