Cakaj deklaron ne Prishtine shkrirjen e kufinjve mes Shqiperise dhe Kosoves

Cakaj deklaron ne Prishtine shkrirjen e kufinjve mes Shqiperise dhe Kosoves

57
0
Shares

Ministri në detyrë për Evropën dhe Punët e Jashtme i Republikës së Shqipërisë, Gent Cakaj, deklaroi sot se kufiri Kosove- Shqiperi duhet te zhduket.

Pas takimit me ministrin e Jashtëm të Kosovës, Glauk Konjufca, Cakaj tha se është tepër i nderuar që ndodhet në Prishtinë.Cakaj falënderoi edhe njëherë popullin e Kosovës për ndihmën e dhënë në rastin e tërmetit tragjik, ndersa theksoi se kufiri Kosovë-Shqipëri duhet të hiqet menjëherë.“Jam tepër i nderuar që jam këtu në Prishtinë. Populli i Kosovës ka shfaqur një solidaritetit që ka sfiduar edhe kufijtë e të besueshëm, institucionet civile e ushtarake kanë bërë një punë të pashembullt e Qeveria ka dhënë një financim të vyer për rimëkëmbjen e Shqipërisë pas tërmetit. Kufiri që ndan dy vendet tona është vetëm simbolik. Ky kufi nuk duhet të ekzistojë fare, duhet të hiqet menjëherë”, tha Cakaj.

Qeveria ku ben pjese Cakaj ka nenshkruar dhjetra marreveshje te pazbatuara me Kosoven, perfshire edhe ato per kufinj te zbehur mes dy vendeve.

Ministri nga Tirana shtoi se me ministrin Konjufca trajtuan disa probleme që janë thelbësore për bashkëpunimin e mëtejmë.

“Me z.Konjufca trajtuam disa probleme që janë thelbësore për bashkëpunimin. E shprehëm gatishmërinë për zhvillimin e ambasadave të përbashkëta. Ne jemi të gatshëm edhe në një numër të konsiderueshëm që të vazhdojmë në të njëjtën praktikë. Dua të theksoj se marrë parasysh se kemi nevojë për konkretizim të bashkëpunimit dhe mbledhje të dy qeverive, i kam propozuar z.Konjufca dy marrëveshje fillestare, e para është që duhet të mblidhemi që të firmosim një marrëveshje për ndarje të shpenzimeve në një fushatë për lobimin e njohjeve të Kosovës. Marrëveshja e dytë është ajo për transmetimin e përvojave në procesin e integrimit evropian”, ka thënë Cakaj./DRONI.al&Top ch

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY