Dhjetë mësues në Kinë: Ju lutem na ndihmoni të kthehemi, 4 ditë...

Dhjetë mësues në Kinë: Ju lutem na ndihmoni të kthehemi, 4 ditë nuk kemi dalë nga shtëpitë

123
0
Shares

Dhjetë shtetas shqiptarë që punojnë në një provincë të Kinës veriore, si mësues të gjuhës angleze kërkojnë ndihmë përmes Top Channel për t’u rikthyer në Shqipëri.

Mësuesi M. Corja kontaktoi me gazetarin e Top Channel, Muhamed Veliun, të cilit përmes një mesazhi në “ëhatsapp” i thotë:

“Bashkë me nëntë miqtë e mi ne jetojmë në provincën e Changchun, Jilin. Punojmë si mësues të gjuhës angleze. Kemi katër ditë që nuk dalim nga shtëpitë. Jemi plotësisht të izoluar. Ndjehemi shumë të rrezikuar dhe kemi nevojë nëse shtetit shqiptarë mund të na ndihmojë të kthehemi pasi e kemi të pamundur. Situata sa vjen dhe po rëndohet”

M. Corja, njëri nga 10 mësuesit që apelon për ndihmë po ashtu thotë se:

“Këtu në Changsha një qytet me 7 milion banorë ku ne jetojmë prej 1 viti, media thotë qe ka 18 te infektuar por ka me shumë. Shifra e saktë nuk jepet pasi s’duan të shtohet paniku. Nga informacionet që kemi janë edhe shumë shqiptarë të tjerë në provinca të ndryshme të Kinës”.

Në Kinë ndodhen rreth 400 shqiptarë, mes tyre 60 studentë dhe të tjerët që mendohet se punojnë në vendin më të madh aziatik dhe deri më tani nuk ka asnjë shqiptar të prekur nga virusi vdekjeprurës.

Ndërkohë, një studente shqiptare, Josilda Ndreaj njëra nga dy studentet shqiptare cila studion në Wuhan epiqendrën e koronavirusit vdekjeprurës, apelon për ndihmë për tu kthyer në Shqipëri, njofton Top Channel.

“Dua të iki sa më shpejt nga këtu. Situata sa vjen e po përkeqësohet. Vetë e kam të pamundur financiarisht të lëviz. Dua të kthehem në Shqipëri. Do ti jem mirënjohës qeverisë shqiptare apo gjithkujt që do të mund të më ndihmoj në këto momente të vështira ku gjendem”, ka thënë ajo në një intervistë për këtë televizion.

Getty Images

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY