Berisha zbardh arsyen pse Rama emëroi Bushatin drejtues të posaçëm të OSBE-së

Ndaje

Edhe pse Shqipëria mori drejtimin e OSBE-së dhe detyra i takon kryeministrit të shtetit respektiv të drejtoje ate, kryeministri Edi Rama, caktoi ish-ministrin Ditmir Bushati ne kete post.

Në një postim në “Facebook”, Berisha ka zbardhur të vërtetën pse Rama u detyrua të marrë këtë vendim.

Sipas ish-kryeministrit, Ramën nuk e kanë pranuar vendet anëtare të OSBE si kryetar sepse është i lidhur me krimin dhe drogën. Për këtë arsye, shkruan Berisha, ai është detyruar t’i japë postin kyç Ditmir Bushatit.

Postimi i plotë i Sali Berishës:

Një poshtërim më i madh sesa me rastin e Maqedonisë së Veriut! Largimi i ministrit të Jashtëm shqiptar nga kryesimi i OSBE, poshtërimi ekstrem i Kallam Diplomatit.

Miq, për herë të parë në ekzistencën e OSBE një vend detyrohet të emërojë “de facto” një ministër të Jashtëm të veçantë si kryesues radhe pasi ministri kushtetues i vendit refuzohet, nuk pranohet nga vendet anëtare për shkak të mos kalimit të vetingut ndërkombëtar nga ana e tij.

Edvin Mafinë e rrëzuan si kryesues të radhës të OSBE, një dhuratë kjo 100% e qeverisë së mëparshme sipas një vendimi unanim të kësaj organizate të vitit 2006, për shkak të lidhjeve të tij me krimin, drogën, vjedhjet etj etj. Miq, ky vendim është akti më poshtërues që është marrë ndonjëherë ndaj ndonjë ministri të Jashtëm në historinë e OSBE.

Sigurisht që kjo është një damkë e madhe edhe për Shqipërinë, delen e zezë të Evropës. Në të vërtet ky është një poshtërim edhe më i madh sesa ndëshkimi i M V për të mos e lënë vetëm Shqipërinë pa hapjen e negociatave.

Duke përfunduar, shtoj se duhen falenderuar vendet anëtare për zgjidhjen e pashembullt që i dhanë problemit duke i menderosur kredencialet e ministrit të Jashtëm Edvin Kristaq Hajdutit dhe goditur atë fatalisht para 57 vendeve anëtare të OSBE dhe emërimin “de facto” të një ministri ad hoc të jashtëm nga Shqipëria për të kryesuar OSBE!

/DRONI.al/

loading...
Loading...

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

Leni një përgjigje