Është zbardhur ngjarja e ndodhur mbrëmjen e datës 6 gusht, në rrugën “Vaso Pasha”, ku si pasojë e përshkallëzimit të një konflikti, u plagos me thikë shtetasi O.T, 17 vjeç, i cili ndodhet në gjendje kritike për jetën në Spitalin Ushtarak.
Në sajë të pamjeve filmike të siguruara nga kamerat përreth vendngjarjes, është bërë i mundur identifikimi dhe shpallja në kërkim e shtetasit me iniciale T.R, 16 vjeç, banues në Tiranë, si autor i dyshuar për veprën penale “Vrasja me dashje” të mbetur në tentativë.
16-vjeçari është vetëdorëzuar në ambientet e Komisariatit të Policisë Nr.2 në Tiranë, falë edhe bashkëpunimit me familjarët e tij.
Materialet hetimore në ngarkim të të ndaluarit do t’i kalojnë Prokurorisë së Rrethit Gjyqësor Tiranë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
