Pas takimit me Borchardt, Ademi më e vendosur: 6 përqindëshat nuk do...

Pas takimit me Borchardt, Ademi më e vendosur: 6 përqindëshat nuk do të marrin peng Shkodrën

29
0
Shares

24 orë pas takimit të gjatë me Ambasadorin e OSBE, Bernd Borchardt, kryebashkiakja e Shkodrës, Voltana Ademi, ka treguar dhe njëherë vendosmërinë e saj për të mos ia lëshuar postin kryebashkiakut të ri të dalë nga votimi i 30 qershorit.

Kujtojmë se Ademi foli  gjerë e gjatë dje me Borchardt për krizën politike dhe në veçanti, situatën e krijuar pas 30 Qershorit, por dha pak detaje për mediat.

Megjithatë, në fotografitë që ka publikuar bashkia e Shkodrës, kryetarja shfaqet e qeshur dhe mesazhin e vet sot e ka ilustruar me njërën prej fotove të atij takimi.

Reagimi i Ademit:

“Asnjë hap pas! Shkodranët janë të vendosur të mbrojnë vlerat për të cilat iu vunë përballë për 45 vite diktaturës. Shkodranët janë të bindur në rrugën e tyre për rikthimin e vendit në shinat e demokracisë. Shkodranët e kanë të qartë se rreziku vjen nga banda kriminale që ka uzurpuar parlamentin, qeverinë dhe po kërkon të pushtojë edhe qeverisjen vendore.

Asnjë hap pas! Shkodranët janë të vendosur të mbrojnë vlerat për të cilat i’u vunë përballë për 45 vite diktaturës. Shkodranët janë të bindur në rrugën e tyre për rikthimin e vendit në shinat e demokracisë.

“30 qershori” ishte referendumi popullor që i tregoi klikës në pushtetin e uzurpuar se është pakicë, që i tregoi edhe mbarë botës se shumica e shqiptarëve refuzojnë partinë – shtet, monizmin pas 30 viteve pluralizëm. Shkodra ia dha përgjigjen juntës anti- kushtetuese të Edi Ramës, me një braktisje të pashembullt, nga të majtë e të djathtë. Me gjithë manipulimet dhe terrorin mbi administratën shtetërore.

Shkodra është e shkodranëve dhe do të jetë gjithmonë e shkodranëve. Krimi qeveritar e ka marrë dhe do ta marrë çdo herë përgjigjen nga Shkodra e qytetarët e saj.

Shkodra nuk mund të lejojë të qeveriset nga banda e inkriminuar uzurpatore, 6 përqindëshat nuk do të mund marrin peng Shkodrën. Do të jetë rrugëtim jo i lehtë, por është e vetmja rrugë për të rikthyer vlerat tek të cilat besojnë shumica e shqiptarëve. Lufta me krimin shtetëror është e vështirë dhe ne shkodranët e dimë mirë! Me vendosmëri, sepse s’ka rrugë tjetër!#ShqiperiaSiEuropa #LiriDemokraci #ShkodraeShkodraneve #AsnjeHapPas.

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY