FOTO/Qeveria aksione kundër biznesit, Basha nxjerr emrat: Rama sponsori kryesor i informalitetit

FOTO/Qeveria aksione kundër biznesit, Basha nxjerr emrat: Rama sponsori kryesor i informalitetit

44
0
Shares

Kreu i PD-së Lulzim Basha ka reaguar për nisjen e aksionit kundër informalitetit nga ana e kryeministrit Edi Rama, i cili ka filluar nga aksioni për mbylljen e tyre në pikun e sezonit.

Basha thotë se dhuna ndaj sipërmarrësve të vegjël ka si qëllim kryesor  grabitjen e tyre, dhe favorizimin e bizneseve të mëdha, që sipas tij janë të preferuarit e qeverisë Rama.

Teksa risjell në vëmendje paketën Antimafia të propozuar vjet nga PD, Basha tha se kur të vijë në pushtet, do të anulohen të gjitha politikat fiskale që janë me emër biznesi. Po ashtu ai tha se do të lehtësohet barra fiskale për gjithë sipërmarrjen.

DEKLARATE E KRYETARIT TE PD, LULZIM BASHA

Dhuna e gjobave dhe sekuestrimeve ndaj sipërmarrjeve të vogla që sigurojnë mbijetesën e shumicës së familjeve shqiptare, bëhet për të grabitur paratë e tyre për të financuar grykësine dhe lluksin e Edi Ramës dhe klientëve të tij milionerë. Si hajdut psiqik që është, vodhi të gjithë buxhetin e shtetit me kontrata dhe koncesione kriminale, por nuk do ndalet deri sa të vjedhë edhe pikën e fundit të mundit dhe gjakut të shqiptarëve. Edi Rama është kërcënim dhe rrezik për jetën dhe sigurinë e çdo familje shqiptare.

Rama është sponsorizuesi dhe përfituesi kryesor i informalitetit. Ai kaloi ligjet që favorizojnë klientët dhe oligarkët e tij, ndërkohë që rëndon me taksa dhe tarifa sipërmarrjet e vogla dhe të mesme.
Ndryshe nga Rama ne besojmë në një ekonomi të lirë dhe konkuruese.

Vjet në shtator ne prezantuam paketën Antimafia. Në të identifikuam kush janë përfituesit dhe abuzuesit e mëdhenj të buxhetit të shtetit si dhe rrugët që ndjek qeveria për t’i favorizuar.

U treguam shqiptarëve ligjet speciale Rama, taksat preferenciale Rama të aplikuara nga qeveria ndaj oligarkëve, tenderat Rama që ata kanë përfituar në kundërshti me ligjin si dhe koncesionet (PPP). Ua treguam me emër shqiptarëve se kush janë ata që përfitojnë nga këto grabitje ne ligj. Në Partinë Demokratike kjo listë po shtohet e plotësohet.

Ky është vetëm fillimi i zgjidhjes. Do të anullojmë të gjitha politikat fiskale që janë me emër biznesi, do të lehtësojmë barrën fiskale për gjithë sipërmarrjen. Mbi të gjitha do të marrim masa për të ndëshkuar mafian që fshihet pas oligarkisë. Me parimin “ndiq paranë” do të bëjmë të mundur që biznesi i ndershëm të punojë dhe të ndëshkohen abuzuesit!

/DRONI.al/

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/

loading...
Loading...

LEAVE A REPLY